Breaking News : पुण्यानंतर आता मुंबई महानगरपालिकेच्या महापौरांना धमकीचा ई-मेल आल्याची माहिती समोर आली आहे. या ई-मेलमध्ये महापौरांची गाडी आणि त्यांचे कार्यालयीन केबिन बॉम्बने उडवून देण्याची धमकी देण्यात आली आहे. घटनेनंतर महापालिका प्रशासन आणि सुरक्षा यंत्रणा सतर्क झाली असून या संपूर्ण प्रकरणाची गांभीर्याने चौकशी सुरू करण्यात आली आहे.

ई-मेल पाठवणाऱ्या अज्ञात व्यक्तीचा शोध घेण्यासाठी सायबर सेलसह तपास यंत्रणा सक्रिय झाल्या आहेत. मुंबई महानगरपालिकेच्या मुख्यालयातील सुरक्षा व्यवस्थेचा आढावा घेण्यात येत आहे. तसेच, महापौरांच्या सुरक्षेत वाढ करण्याबाबतही आवश्यक ती पावले उचलली जात आहेत.

दुसरीकडे, पुणे महापालिकेच्या मुख्य कार्यालय व माननीय महापौर कार्यालय या ठिकाणी बॉम्ब ब्लास्टबाबतचा ईमेल आला आहे. महापालिका आयुक्त नवल किशोर राम यांच्या सूचनेनुसार संपुर्ण मुख्य इमारत खाली करण्यात आली असून बॉम्बशोधक पथकाकडून शोधकार्य चालू आहे.

अधिकृत ईमेल पत्त्यावर धमकीचा संदेश
पुणे महापालिका भवनामध्ये बॉम्ब ठेवल्याचा मेल आल्यानंतर संपूर्ण महापालिका मोकळी केली असून कर्मचारी अधिकारी गेटच्या बाहेर उभे आहेत. या घटनेची माहिती मिळताच स्थानिक पोलीस अधिकारी, बॉम्ब शोधक व नाशक पथक तसेच श्वान पथक घटनास्थळी दाखल झाले. सुरक्षेचा उपाय म्हणून पोलिसांनी तात्काळ संपूर्ण इमारतीचा ताबा घेतला असून बाहेरील व्यक्तींना आत जाण्यास प्रतिबंध करण्यात आला आहे.

हेही वाचा:

Cockroach Janata Party: कॉकरोच जनता पार्टीच्या पुण्यातील आंदोलनाला विद्यापीठाकडून परवानगी