Cabinet Expansion : शिवसेना (एकनाथ शिंदे) पक्षात नुकत्याच झालेल्या मोठ्या राजकीय घडामोडींनंतर आता केंद्रीय मंत्रिमंडळ विस्ताराची चर्चा वेगाने रंगू लागली आहे. उद्धव ठाकरे यांच्या गटातील सहा खासदारांनी शिंदे गटात प्रवेश केल्यानंतर पक्षाचे लोकसभेतील संख्याबळ १३ वर पोहोचले आहे. (Cabinet Expansion)

त्यामुळे केंद्रात दोन मंत्रिपदे मिळण्याची शक्यता व्यक्त केली जात असून, त्यापैकी एक कॅबिनेट आणि एक राज्यमंत्रीपद मिळू शकते, अशी राजकीय वर्तुळात चर्चा आहे. (Cabinet Expansion)

कॅबिनेट मंत्रिपदासाठी कोण आघाडीवर?

एकनाथ शिंदे यांच्या शिवसेनेच्या दोन खासदारांना केंद्रात मंत्रिपद मिळणार आहेत. त्यापैकी कॅबिनेट मंत्रिपदासाठी श्रीकांत शिंदे यांचे नाव फायनल मानले जात होते. मात्र आता श्रीरंग बारणे यांच्या नावाचीही जोरदार चर्चा सुरू झाली आहे. त्यामुळे कॅबिनेट मंत्रिपदासाठी डॉ. श्रीकांत शिंदे आणि श्रीरंग बारणे यांच्यात चुरस असल्याचे बोलले जात आहे. (Cabinet Expansion)

Cabinet Reshuffle : मोदी मंत्रिमंडळात मोठे फेरबदल? ‘या’ खासदारांना मिळेल मंत्रिपद; वाचा संभाव्य मंत्रिमंडळाची यादी

राजकीय सूत्रांच्या चर्चेनुसार, अडीच-अडीच वर्षांचा फॉर्म्युला किंवा दीड-दीड वर्षांचा कार्यकाळ वाटप करण्याचाही पर्याय विचाराधीन असू शकतो. मात्र याबाबत कोणताही अधिकृत निर्णय झालेला नाही. (Cabinet Expansion)

राज्यमंत्रीपदासाठी ‘या’ खासदारांची नावे चर्चेत

केंद्रीय राज्यमंत्रीपदासाठी नुकतेच ठाकरे गटातून शिंदे गटात दाखल झालेले परभणीचे खासदार संजय जाधव आणि धाराशिवचे खासदार ओमराजे निंबाळकर यांची नावे आघाडीवर असल्याची चर्चा आहे. याशिवाय संजय दिना पाटील यांच्याही नावाची चर्चा सुरू आहे. या तिघांपैकी कोणाला संधी मिळणार, याकडे आता राजकीय वर्तुळाचे लक्ष लागले आहे. (Cabinet Expansion)

Union Cabinet Reshuffle 2026 : मोठी बातमी! प्रतापराव जाधवांना डच्चू? श्रीकांत शिंदेंसह ‘या’ खासदाराला लॅाटरी लागण्याची शक्यता

20 जुलैपूर्वी मंत्रिमंडळ विस्ताराची शक्यता

संसदेचे आगामी अधिवेशन 20 जुलैपासून सुरू होण्याची शक्यता असल्याने त्यापूर्वी केंद्रीय मंत्रिमंडळाचा विस्तार होऊ शकतो, अशी चर्चा आहे. अलीकडेच केंद्रीय गृहमंत्री अमित शाह आणि भाजप नेतृत्वाची बैठक झाल्यानंतर या चर्चांना आणखी वेग आला आहे. (Cabinet Expansion)

बारणे यांची प्रतिक्रिया

मंत्रिपदाच्या चर्चांवर प्रतिक्रिया देताना खासदार श्रीरंग बारणे यांनी सांगितले की, “केंद्रीय मंत्रिमंडळात कोणाला स्थान द्यायचे, हा निर्णय एकनाथ शिंदे साहेब घेतात. ते नेहमी कार्यकर्त्यांना न्याय देतात.”(Cabinet Expansion)

Eknath Shinde : एकनाथ शिंदेंचा मास्टरस्ट्रोक ! ‘या’ महिला नेत्यावर सोपवली मोठी जबाबदारी

Cabinet expansion : केंद्रात शिंदेसेनेला दोन मंत्रीपदं मिळणार? ‘या’ नावांची चर्चा