Shikrapur News : शिक्रापूर पोलिसांनी विविध गुन्हे, अपघात तसेच बेवारस स्थितीत मिळून आलेल्या वाहनांपैकी ३२ दुचाक्यांचा त्यांच्या मूळ मालकांचा शोध घेत कायदेशीर प्रक्रिया पूर्ण करून त्या संबंधितांच्या ताब्यात दिल्या. सुमारे १३ लाख रुपये किमतीची ही वाहने मूळ मालकांना परत करण्यात पोलिसांना यश आले आहे. (Shikrapur News)

शिक्रापूर पोलिस ठाण्याच्या आवारात विविध प्रकरणांमध्ये जप्त करण्यात आलेली तसेच बेवारस स्थितीत आढळलेली वाहने पडून होती. या वाहनांचे क्रमांक, चेसी क्रमांक आणि इंजिन क्रमांकाच्या आधारे पोलिसांनी त्यांच्या मूळ मालकांचा शोध घेतला. त्यानंतर आवश्यक कायदेशीर प्रक्रिया पूर्ण करून ३२ दुचाक्या संबंधित वाहनमालकांच्या ताब्यात देण्यात आल्या. (Shikrapur News)

शिक्रापूर पोलिस ठाण्याचे पोलिस निरीक्षक चंद्रशेखर यादव यांच्या मार्गदर्शनाखाली पोलिस हवालदार नवनाथ नाईकडे आणि महिला पोलिस अंमलदार अक्षदा पानमंद यांनी ही कार्यवाही केली. (Shikrapur News)

वाहने मूळ मालकांच्या ताब्यात मिळाल्याने नागरिकांना मोठा दिलासा मिळाला आहे. गुन्ह्यांचा तपास करण्यासोबतच नागरिकांच्या मालमत्तेची जपणूक आणि पोलिस ठाण्यातील प्रलंबित वाहनांचा निपटारा करण्यावरही शिक्रापूर पोलिसांचा भर असल्याचे या कारवाईतून दिसून आले. (Shikrapur News)

आणखी वाहनमालकांनी पोलिसांशी संपर्क साधावा

शिक्रापूर पोलिस ठाण्याच्या आवारात अद्याप काही वाहने पडून आहेत. संबंधित वाहनमालकांनी पोलिस ठाण्याशी संपर्क साधून आवश्यक कागदपत्रे सादर करावीत आणि आपल्या वाहनांची मालकी सिद्ध करून वाहने ताब्यात घ्यावीत, असे आवाहन पोलिस निरीक्षक चंद्रशेखर यादव यांनी केले आहे. (Shikrapur News)

दरम्यान, वाहनांची मालकी सिद्ध करण्यासाठी आवश्यक कागदपत्रांसह संबंधित मालक उपलब्ध झाले नाहीत, तर ही वाहने बेवारस समजून शासनाच्या नियमानुसार पुढील कायदेशीर प्रक्रिया करण्यात येणार आहे. त्यानुसार संबंधित वाहनांचा लिलाव करण्याची कार्यवाही केली जाणार असल्याचे पोलिसांनी सांगितले. (Shikrapur News)

Shikrapur News : एका प्रशासकांकडे आठ गावांचा भार; शिरुर तालुक्यातील ७१ ग्रामपंचायतींवर प्रशासक नियुक्त

Shikrapur News : दहीहंडी-गणेशोत्सवात आवाजाची स्पर्धा रंगवाल तर खैर नाही! शिक्रापूर पोलिसांचा थेट इशारा