Shashi Tharoor Property | Lok Sabha Election 2024 : लोकसभा निवडणुका आता अवघ्या काही दिवसांवर येऊन ठेपल्या असून आता प्रचाराची रणधुमाळी सुरू झाली आहे. विविध पक्षांची उमेदवारी यादी देखील जाहीर झाली आहे. राज्यातील विविध नेत्यांनी आपला उमेदवारी अर्ज दाखल केला असून, प्रचाराला दणक्यात सुरूवात केली आहे. त्यामुळे आता सगळीकडे फक्त निवडणुकीचा रंग पाहायला मिळत आहे. । Shashi Tharoor Property

दरम्यान, तिरुअनंतपुरम लोकसभा मतदारसंघातून सलग चौथ्यांदा विजय मिळवण्याच्या प्रयत्नात असलेले कॉंग्रेस उमेदवार शशी थरूर यांनी त्यांच्या उमेदवारी अर्जात ५५ कोटी रुपयांपेक्षा जास्त संपत्ती जाहीर केली आहे. यामध्ये त्यांनी आपले वार्षिक उत्पन्न ४ कोटी ३२ लाख असल्याचे नोंदवले आहे. । Shashi Tharoor Property | Lok Sabha Election 2024

त्यांच्या नामनिर्देशनपत्रात दाखल केलेल्या प्रतिज्ञापत्रात थरूर यांनी म्हटले आहे की, त्यांच्याकडे ४९ कोटी रुपयांपेक्षा जास्त जंगम मालमत्ता आहे ज्यात १९ बँक खात्यांमध्ये वेगवेगळ्या रकमांच्या ठेवी आणि विविध बॉण्ड्स, डिबेंचर्स, म्युच्युअल फंडांमधील गुंतवणूक यांचा समावेश आहे. त्याच्या जंगम मालमत्तेमध्ये ३२ लाख रुपये किमतीचे ५३४ ग्रॅम सोने आणि ३६ हजार रुपये रोख रकमेचा समावेश आहे.

त्यांची स्थावर मालमत्ता ६.७५ कोटी रुपयांपेक्षा जास्त आहे ज्यात वारसाहक्काने मिळालेला एक चतुर्थांश हिस्सा आहे, पलक्कडमधील २.५१ एकर शेतजमिनी, तिरुअनंतपुरममधील १०.४७ एकर शेतजमीन, ज्याची किंमत सध्या 20 कोटी रुपयांपेक्षा जास्त आहे आणि राज्याच्या राजधानीतील त्यांच्या निवासस्थानाची किंमत आता सुमारे ५२ लाख रुपये आहे.

थरूर यांच्याकडे मारुती सियाझ आणि मारुती एक्सएल ६ या दोन कार आहेत. त्यांच्यावर सध्या नऊ गुन्हे दाखल आहेत. त्यांच्यावर चार न्यायालयीन खटले देखील चालू आहेत ज्यात दोन बदनामीचे आहेत. २०१४ मध्ये थरूर यांनी २३ कोटी रुपयांपेक्षा जास्त आणि २०१९ मध्ये ३५थ कोटी रुपयांची संपत्ती जाहीर केली होती. । Shashi Tharoor Property | Lok Sabha Election 2024