मुंबई – अमेरिकेचे राष्ट्राध्यक्ष डोनाल्ड ट्रम्प यांच्या टॅरिफ घोषणेनंतर जागतिक बाजारात खळबळ उडाली आहे. भारतीय शेअर बाजारातही मोठी घसरण झाली असून, गुंतवणूकदारांचे लाखो कोटी रुपये बुडाले आहेत. गेल्या आठवड्यात सेंसेक्स आणि निफ्टी ५% पेक्षा जास्त कोसळले. बीएसई स्मॉलकॅप आणि मिडकॅप निर्देशांकांनाही याचा फटका बसला आहे.

स्मॉलकॅप, मिडकॅप आणि लार्जकॅप फंडमध्ये किती घसरण?
मागील आठवड्यात सर्व मार्केट कॅपच्या शेअर्समध्ये प्रचंड विक्री झाली, ज्याचा परिणाम म्युच्युअल फंडांवरही दिसला. मिडकॅप फंडांना सर्वाधिक फटका बसला, त्यांचा सरासरी परतावा -२.७१% राहिला. लार्जकॅप फंडमध्ये -२.५२% तर स्मॉलकॅप फंडमध्ये -२.१६% घसरण नोंदवली गेली.

SIP गुंतवणूकदारांनी काय करावे?
बाजारात घसरण झाली की गुंतवणूकदारांमध्ये भीती निर्माण होते. SIP गुंतवणूकदार विचार करतात, “निवेश सुरू ठेवावा का?” तर नवे गुंतवणूकदार संभ्रमात पडतात, “आता गुंतवणूक करावी का?” अशा वेळी लार्जकॅप म्युच्युअल फंड हा सर्वात सुरक्षित पर्याय ठरतो. का? कारण हे फंड अशा कंपन्यांमध्ये गुंतवणूक करतात ज्या बाजारात वर्षानुवर्षे स्थिर आहेत, ज्यांचा व्यवसाय टिकाऊ आहे, सातत्याने नफा मिळतो आणि ब्रँड मूल्य मजबूत आहे. बाजारात अस्थिरता असली तरी या कंपन्यांवर कमी परिणाम होतो.

सध्याच्या परिस्थितीत बाजारात भीती आहे, पण तज्ज्ञांचे मत आहे की, लार्जकॅप शेअर्स आता ‘व्हॅल्यू फॉर मनी’ वाटत आहेत. मिडकॅप आणि स्मॉलकॅप शेअर्स अजूनही महाग वाटत असताना, लार्जकॅप शेअर्स किरकोळ ओव्हरव्हॅल्यूड आहेत, असे तज्ज्ञांचे म्हणणे आहे.

SIP कधी सुरू करावी?
जर तुम्ही पहिल्यांदा SIP सुरू करणार असाल, तर लार्जकॅप फंड तुमच्या पोर्टफोलिओला स्थिरता देतात आणि घबराट नव्हे, तर आत्मविश्वासाने गुंतवणूक वाढवतात.