Sharad Pawar : राष्ट्रवादी काँग्रेस (शरदचंद्र पवार) पक्षाने संघटनात्मक पातळीवर मोठा निर्णय घेतला आहे. पक्षाच्या सर्व प्रवक्त्यांच्या नियुक्त्या तत्काळ प्रभावाने रद्द करण्यात आल्या असून, पुढील आदेश येईपर्यंत केवळ महेश तपासे आणि माजी आमदार विद्या चव्हाण हेच पक्षाची अधिकृत भूमिका प्रसारमाध्यमांसमोर मांडणार आहेत. या निर्णयानंतर राज्याच्या राजकीय वर्तुळात चर्चांना उधाण आले आहे. (Sharad Pawar)

सर्व प्रवक्त्यांच्या नियुक्त्या रद्द

पक्षाने सोशल मीडियावरील अधिकृत पोस्टद्वारे हा निर्णय जाहीर केला. नव्या आदेशानुसार यापूर्वी नियुक्त करण्यात आलेल्या सर्व प्रवक्त्यांची जबाबदारी तत्काळ प्रभावाने काढून घेण्यात आली आहे. त्यामुळे पक्षाच्या माध्यमांशी संवाद साधण्याच्या पद्धतीत मोठा बदल करण्यात आला आहे. (Sharad Pawar)

अधिकृत पत्रात काय म्हटलं आहे?

प्रदेशाध्यक्ष शशिकांत शिंदे यांच्या स्वाक्षरीने जारी करण्यात आलेल्या पत्रात नमूद करण्यात आले आहे की, ४ ऑगस्ट २०२६ पासून पूर्वी नियुक्त केलेल्या सर्व प्रवक्त्यांच्या नियुक्त्या पुढील आदेशापर्यंत रद्द करण्यात येत आहेत. या कालावधीत विद्या चव्हाण आणि महेश तपासे हेच पक्षाचे अधिकृत प्रवक्ते म्हणून माध्यमांसमोर भूमिका मांडतील. सर्व संबंधितांनी या आदेशाची नोंद घ्यावी, असेही पत्रात स्पष्ट करण्यात आले आहे. (Sharad Pawar)

निर्णयामागचं कारण चर्चेत

या अचानक झालेल्या फेरबदलामागचं कारण पक्षाने स्पष्ट केलेलं नाही. त्यामुळे हा निर्णय संघटनात्मक शिस्तीचा भाग आहे की पक्षांतर्गत बदलांची नांदी, याबाबत राजकीय वर्तुळात विविध तर्क-वितर्क लावले जात आहेत. आगामी काळात पक्षाकडून आणखी काही महत्त्वाचे निर्णय होणार का, याकडेही सर्वांचे लक्ष लागले आहे. (Sharad Pawar)

NCP Sharad Pawar : रोहित पवारांचा संकेत खरा ठरला! शरद पवारांच्या राष्ट्रवादीत मोठे फेरबदल

Sharad Pawar: पवारांच्या एका भेटीने बदललं चित्र? धर्मेंद्र प्रधान यांच्या राजीनाम्यावर शरद पवारांचा मोठा दावा