Maharashtra Politics : महाराष्ट्राच्या राजकारणात काँग्रेसच्या एका सोशल मीडिया पोस्टमुळे नव्या वादाला तोंड फुटले आहे. उपमुख्यमंत्री सुनेत्रा पवार यांचा उल्लेख काँग्रेसने ‘गुंगी गुडिया’ असा केल्यानंतर महायुतीतील नेत्यांनी तीव्र आक्षेप घेत काँग्रेसवर जोरदार हल्लाबोल केला आहे. या प्रकरणामुळे राज्यातील राजकीय वातावरण पुन्हा एकदा तापले आहे. (Maharashtra Politics)

नेमकं प्रकरण काय?

काँग्रेसच्या अधिकृत एक्स (X) हँडलवर बीडमधील पत्रकार परिषदेसंदर्भातील व्हिडिओ शेअर करत, “सुनेत्रा पवार अजून किती दिवस ‘गुंगी गुडिया’ बनून राहणार?” असा सवाल करण्यात आला. या पोस्टनंतर राष्ट्रवादी काँग्रेस आणि महायुतीतील नेत्यांनी काँग्रेसवर महिलांचा अपमान केल्याचा आरोप करत माफीची मागणी केली. (Maharashtra Politics)

अमोल मिटकरींचा संताप, माफीची मागणी

राष्ट्रवादी काँग्रेसचे नेते अमोल मिटकरी यांनी काँग्रेसच्या पोस्टचा तीव्र निषेध करत, महिला उपमुख्यमंत्र्यांविषयी अशा प्रकारची भाषा वापरणे अयोग्य असल्याचे म्हटले. संबंधित व्हिडिओचा विपर्यास करण्यात आल्याचा दावा करत त्यांनी काँग्रेसने तात्काळ पोस्ट हटवून माफी मागावी, अशी मागणी केली. (Maharashtra Politics)

एकनाथ शिंदेंचाही काँग्रेसवर पलटवार

उपमुख्यमंत्री एकनाथ शिंदे यांनीही या प्रकरणावर प्रतिक्रिया देताना काँग्रेसवर निशाणा साधला. महिला नेत्यांविषयी अशा प्रकारची भाषा वापरणे चुकीचे असल्याचे सांगत, “लाडक्या बहिणींनी काँग्रेसला याआधीच उत्तर दिले आहे,” असा टोला त्यांनी लगावला. (Maharashtra Politics)

अंजली दमानियांचाही निषेध

सामाजिक कार्यकर्त्या अंजली दमानिया यांनीदेखील काँग्रेसच्या पोस्टवर नाराजी व्यक्त केली. राजकीय मतभेद असले तरी महिला नेत्यांविषयी अशा प्रकारची भाषा वापरणे अयोग्य असल्याचे सांगत त्यांनी काँग्रेसच्या भूमिकेचा निषेध केला. (Maharashtra Politics)

काँग्रेसचे स्पष्टीकरण

दरम्यान, काँग्रेस प्रदेशाध्यक्ष हर्षवर्धन सपकाळ यांनी पक्षाच्या भूमिकेचे समर्थन केले. पत्रकार परिषदेत विचारलेल्या प्रश्नांवर सुनेत्रा पवार यांनी मौन बाळगल्यामुळेच हा उल्लेख करण्यात आल्याचे त्यांनी सांगितले. (Maharashtra Politics)

“हा अपमान नसून त्यांच्या भूमिकेवर केलेली राजकीय टीका आहे,” असे स्पष्ट करत त्यांनी आपल्या विधानावर ठाम असल्याचे सांगितले. या संपूर्ण वादामुळे राज्यातील राजकीय आरोप-प्रत्यारोपांना पुन्हा वेग आला असून, काँग्रेस आणि महायुती आमनेसामने आल्याचे चित्र पाहायला मिळत आहे. (Maharashtra Politics)

Maharashtra Politics : महायुतीत पुन्हा राडा! तानाजी सावंत-राहुल मोटे समर्थक आमनेसामने; धाराशिवमध्ये दगडफेक, 45 जणांवर गुन्हे

Maharashtra Politics : सुनेत्रा पवार आणि प्रफुल्ल पटेल यांच्यात वर्चस्वाची लढाई