Shahid Latif Shot Dead : पठाणकोट हल्ल्याचा मास्टरमाईंड शाहिद लतीफ याची पाकिस्तानात गोळ्या घालून हत्या करण्यात आली असल्याची माहिती समोर आहे. सियालकोटमध्ये अज्ञात हल्लेखोरांनी बॉम्ब फेकून दहशतवादी लतीफचा मृत्यू झाला होता. एनआयएच्या मोस्ट वाँटेड यादीत शाहिद लतीफचा समावेश होता. दहशतवाद्यांना पाठवण्यात शाहिद लतीफची महत्त्वाची भूमिका होती. शाहिद लतीफ जैशच्या दहशतवाद्यांना भारतात पाठवायचा.

पाकिस्तानी मीडियानुसार, सियालकोटच्या बाहेरील मशिदीत दहशतवादी शाहिदची हत्या करण्यात आली. हल्लेखोर मोटार सायकलवरून आले आणि गोळीबार करून पळून गेले. पोलिसांनी संपूर्ण परिसराची नाकेबंदी केली असून हल्लेखोरांचा शोध सुरू आहे. एनआयएने शाहिदविरुद्ध दहशतवादविरोधी अंतर्गत गुन्हा दाखल केला होता. तो भारत सरकारच्या यादीत असलेला दहशतवादी होता.

शाहिद तालिफ हा पाकिस्तानच्या पंजाब प्रांतातील गुजरानवाला येथील रहिवासी होता. तो जैश-ए-मोहम्मदशी संबंधित होता. तो सियालकोट सेक्टरचा कमांडर होता, जो भारतात दहशतवाद्यांच्या प्रवेशावर लक्ष ठेवत होता आणि दहशतवादी हल्ल्यांची योजना आखत होता.

शाहिद लतीफला 12 नोव्हेंबर 1994 रोजी अटक करण्यात आली आणि 16 वर्षे भारतीय तुरुंगात राहिल्यानंतर 2010 मध्ये वाघा मार्गे हद्दपार करण्यात आले. उल्लेखनीय आहे की 2016 मध्ये जैशच्या दहशतवाद्यांनी पठाणकोट एअरबेसवर हल्ला केला होता. यामध्ये सात जवान शहीद झाले.