Shah Rukh Khan । बॉलिवूड सुपरस्टार शाहरुख खान नुकताच वर्ल्ड गव्हर्नमेंट समिटच्या मंचावर दिसला. दुबईत सुरू असलेल्या या जागतिक कार्यक्रमात शाहरुख मोकळेपणाने बोलला, आणि प्रत्येकवेळी प्रमाणेच त्याची ट्रेडमार्क बुद्धी आणि विनोदही पूर्णपणे धारदार होता.

हेही वाचा
junaid khan sai pallavi। अभिनेता आमिर खानचा लेक जुनैद खान अन् साई पल्लवी दिसणार रोमँटिक ड्रामा चित्रपटात एकत्र

केवळ भारतातच नाही तर जगभरातील शाहरुखच्या चाहत्यांना त्याला हॉलिवूड चित्रपटात पाहण्याची नेहमीच इच्छा असते. वर्ल्ड गव्हर्नमेंट समिटमध्ये स्टेजवर काळ्या सूटमध्ये बसलेल्या शाहरुखला होस्टने विचारले की, ‘त्याला हॉलिवूडच्या लोकप्रिय गुप्तहेर नायक ‘जेम्स बाँड’ची भूमिका करायला आवडेल का? या प्रश्नाला शाहरुखने दिलेले उत्तर हे त्याच्या ट्रेडमार्क शैलीचे उत्तम उदाहरण आहे.

शाहरुखला जेम्स बाँड बनायचे 
शाहरुखची ओळख करून देताना या संभाषणाच्या सूत्रधाराने त्याला ‘लिजेंड’ म्हटले. पण शाहरुखने अतिशय गमतीशीरपणे सांगितले की, ‘तू खूप गोड आहेस, पण मी लीजंड नाही… मी बाँड आहे. जेम्स बोंड.’

शाहरुख म्हणाला, ‘मला बाँड व्हायचे आहे, पण त्यासाठी मी खूप लहान आहे.’ त्याचे उत्तर ऐकून कार्यक्रमाला उपस्थित लोक खूप हसले. पण यानंतर शाहरुखला जेव्हा विचारण्यात आले की, बाँड चित्रपटात खलनायक बनण्याबद्दल त्याला काय वाटले? तर शाहरुख म्हणाला, ‘हो. मी यासाठी पुरेसा आहे. हॉलीवूड चित्रपटांमध्ये खलनायकाच्या भूमिकेत आशियाई आणि ‘ब्राऊन’ लोकांबद्दल शाहरुखने हा उत्कृष्ट विनोद केला, ज्यावर लोक हसले आणि टाळ्या वाजवल्या.