AI Summit Delhi 2026 – नवी दिल्लीत होणाऱ्या कृत्रिम बुद्धिमत्ता शिखर परिषदेसाठी अनेक देशांच्या वरिष्ठ अधिकाऱ्यांचे भारतात आगमन होत आहे. रशियाचे अध्यक्ष व्लादिमीर पुतीन यांचे वरिष्ठ सहकारी मॅक्सिम ओरेश्कीन हे मोठ्या शिष्टमंडळासह भारतात येणार आहेत. ओरेश्कीन हे क्रेमलिनच्या स्टाफचे उपप्रमुख आहेत. त्याशिवाय सौदी अरेबिया वरिष्ठ कृत्रिम बुद्धिमत्ता अधिकारी भारतात पाठवत आहे. सौदी डेटा आणि कृत्रिम बुद्धिमत्ता प्राधिकरणाचे प्रमुख डॉ. अब्दुल्लाह अल्घमदी हे शिष्टमंडळासह भारतात येत आहेत. फ्रान्सचे अध्यक्ष इमॅन्युएल मॅक्रॉन आणि ब्राझीलचे अध्यक्ष लुईझ इनासियो लुला दा सिल्वा यांच्यासह अनेक जागतिक नेते या परिषदेला उपस्थित राहणार आहेत. पंतप्रधानांच्या निमंत्रणावरून नेदरलँड्सचे पंतप्रधान डिक शूफ, श्रीलंकेचे अध्यक्ष अनुरा कुमार दिसानायके, भूतानचे पंतप्रधान त्शेरिंग तोबगे आणि मॉरिशसचे पंतप्रधान नवीनचंद्र रामगुलाम, स्पेनचे अध्यक्ष पेड्रो सांचेझ पेरेझ-कास्टेजॉन, अबू धाबीचे युवराज शेख खालेद बिन मोहम्मद बिन झायेद अल नाह्यान, क्रोएशियाचे पंतप्रधान आंद्रेज प्लेनकोविक, एस्टोनियाचे अध्यक्ष अलार करिस, फिनलंडचे पंतप्रधान पेटेरी ओर्पो, कझाकस्तानचे पंतप्रधान ओलझास बेकटेनोव्ह, लिकटेंस्टाईनचे वंशज राजकुमार अलोइस, स्लोवाकियाचे अध्यक्ष पीटर पेलेग्रिनी आणि स्वित्झर्लंडचे अध्यक्ष गाय पारमेलिन यांच्यासह अनेक वरिष्ठ अधिकारी शिष्टमंडळासह या शिखर बैठकीमध्ये सहभागी होणार आहेत. गुगलचे सीईओ सुंदर पिचाई, ओपनएआयचे सॅम ऑल्टमन, अँथ्रोपिकचे डेरिओ अमोंडाय, आणि गुगल डीपमाईंडचे डेमिस हेसाबिस देखील या परिषदेमध्ये सहभागी होणार आहेत. यावेळी आयोजित होणाऱ्या प्रदर्शनामध्ये ऑस्ट्रेलिया, जपान, रशिया, सोव्हिएत संघराज्य, फ्रान्स, जर्मनी, इटली, नेदरलँडस्, स्वित्झर्लंड, सर्बिया, एस्टोनिया, ताजिकिस्तान आणि अफ्रिका या देशांच्या पॅव्हिलिअनचा समावेश असेल.
