School Closed : उपराजधानी नागपूरमध्ये मुसळधार पावसाने जनजीवन विस्कळीत झाले असून, भारतीय हवामान विभागाने (IMD) जिल्ह्यासाठी ऑरेंज अलर्ट जारी केला आहे. अतिमुसळधार पावसाचा इशारा लक्षात घेऊन नागपूर जिल्ह्यातील सर्व अंगणवाडी, शाळा आणि महाविद्यालयांना 29 जुलै 2026 रोजी सुट्टी जाहीर करण्यात आली आहे. (School Closed)

जिल्ह्यात मुसळधार ते अतिमुसळधार पावसाची शक्यता वर्तविण्यात आली आहे. मंगळवारी दुपारी 2.30 वाजेपर्यंत नागपूर शहरात 108 मिमी पावसाची नोंद झाली. अनेक भागांत रस्त्यांवर पाणी साचले असून, काही ठिकाणी पूरसदृश परिस्थिती निर्माण झाली आहे. (School Closed)

जिल्हा प्रशासनाने जारी केलेल्या आदेशानुसार, विद्यार्थ्यांच्या सुरक्षिततेच्या दृष्टीने आपत्ती व्यवस्थापन अधिनियम, 2005 अंतर्गत हा निर्णय घेण्यात आला आहे. अतिवृष्टीमुळे कोणतीही अनुचित घटना घडू नये आणि आपत्कालीन परिस्थितीचा विद्यार्थ्यांवर परिणाम होऊ नये, यासाठी सर्व शैक्षणिक संस्थांना सुट्टी जाहीर करण्यात आली आहे. (School Closed)

दरम्यान, आज झालेल्या मुसळधार पावसाचा मोठा फटका शहरातील शाळांनाही बसला. सोमलवार शाळेचे मैदान पूर्णपणे पाण्याखाली गेले, तर खामला परिसरातील शाळांच्या आवारात साडेतीन ते चार फूट पाणी साचल्याने विद्यार्थी आणि शिक्षकांना मोठ्या अडचणींचा सामना करावा लागला. (School Closed)

हवामान विभागाने पुढील काही तासांतही जोरदार पावसाची शक्यता व्यक्त केली असून, नागरिकांनी अत्यावश्यक कामाशिवाय घराबाहेर पडू नये, तसेच प्रशासनाच्या सूचनांचे पालन करावे, असे आवाहन करण्यात आले आहे. (School Closed)

School Closed : मोठी बातमी..! उद्या राज्यातील सर्व शाळा बंद राहणार? काय आहे कारण?

School Closed : राजस्थानातील 312 शाळांना कुलुप; मुख्यमंत्री भजनलाल शर्मा यांचा मोठा निर्णय