School Closed : राज्यातील शिक्षक आणि शिक्षकेतर कर्मचाऱ्यांच्या विविध प्रलंबित मागण्यांसाठी गुरुवार, ९ जुलै २०२६ रोजी राज्यव्यापी ‘शाळा बंद’ आंदोलन पुकारण्यात आले आहे. राज्यातील प्राथमिक, माध्यमिक आणि उच्च माध्यमिक शिक्षक-शिक्षकेतर कर्मचारी संघटनांच्या समन्वय समितीने या आंदोलनाची घोषणा केली असून, मोठ्या संख्येने शिक्षक सामूहिक रजेवर जाणार आहेत. त्यामुळे अनेक शाळांमधील अध्यापनावर परिणाम होण्याची शक्यता आहे. (School Closed)

शिक्षक संघटनांच्या मते, गेल्या काही वर्षांत शिक्षकांवर बीएलओ (Booth Level Officer) ड्युटी, विविध शासकीय सर्वेक्षणे आणि इतर अशैक्षणिक कामांचा ताण मोठ्या प्रमाणात वाढला आहे. त्यामुळे विद्यार्थ्यांच्या अध्यापनासाठी पुरेसा वेळ मिळत नसल्याची तक्रार शिक्षकांनी केली आहे. “आम्हाला अशैक्षणिक कामे नकोत, आम्हाला फक्त शिकवू द्या,” ही आंदोलनाची प्रमुख मागणी आहे. (School Closed)

TET सक्तीवरही नाराजी

शिक्षक पात्रता परीक्षा (TET) संदर्भातील सक्तीचे नियम आणि धोरणांबाबतही शिक्षक संघटनांनी तीव्र नाराजी व्यक्त केली आहे. या नियमांमुळे अनेक शिक्षकांच्या नोकरीवर परिणाम होण्याची भीती व्यक्त करण्यात आली असून, या मागण्यांसाठी सरकारचे लक्ष वेधण्याचा प्रयत्न केला जाणार आहे. (School Closed)

मुंबईत धरणे, जिल्ह्यांमध्ये मोर्चे

या आंदोलनाचा भाग म्हणून मुंबईतील आझाद मैदानावर धरणे आंदोलन करण्यात येणार असून, राज्यातील सर्व जिल्हा परिषद आणि जिल्हाधिकारी कार्यालयांवर शिक्षकांचे मोर्चेही काढण्यात येणार आहेत. (School Closed)

शाळा-कॉलेज बंद राहणार का?

या आंदोलनात बहुतांश शिक्षक संघटना सहभागी होत असल्याने शासकीय, जिल्हा परिषद आणि अनुदानित शाळांमधील शिक्षक सामूहिक रजेवर असण्याची शक्यता आहे. त्यामुळे अनेक ठिकाणी शाळांमधील अध्यापन बंद राहू शकते किंवा स्थानिक पातळीवर सुट्टी जाहीर केली जाऊ शकते. (School Closed)

मात्र, सर्व शाळा आणि महाविद्यालये राज्य सरकारने अधिकृतपणे बंद घोषित केलेली नाहीत. अनेक खाजगी इंग्रजी माध्यमांच्या शाळा आणि महाविद्यालये नेहमीप्रमाणे सुरू राहू शकतात. त्यामुळे विद्यार्थी आणि पालकांनी आपल्या शाळा किंवा महाविद्यालयाकडून जारी करण्यात आलेल्या सूचनांची खात्री करूनच पुढील नियोजन करावे. (School Closed)