Warkari Accident : पंढरपूरहून परतणाऱ्या वारकऱ्यांच्या वाहनाला सातारा-पुसेगाव मार्गावर भीषण अपघात झाला. फॉर्च्युनर आणि बोलेरो या दोन वाहनांची समोरासमोर धडक झाल्याने 10 महिला वारकरी किरकोळ जखमी झाल्या. सुदैवाने या अपघातात कोणतीही जीवितहानी झाली नाही. (Warkari Accident)

मिळालेल्या माहितीनुसार, ज्ञानोबा माऊलींच्या पालखीचे दर्शन घेऊन वारकरी आपल्या गावी परतत असताना सातारा-पुसेगाव रस्त्यावर हा अपघात घडला. धडकेनंतर जखमींना तातडीने उपचारासाठी हलविण्यात आले. (Warkari Accident)

घटनेची माहिती मिळताच पोलीस घटनास्थळी दाखल झाले आणि अपघाताचा पंचनामा करून पुढील तपास सुरू केला. अपघाताचे नेमके कारण अद्याप स्पष्ट झालेले नाही. (Warkari Accident)

दरम्यान, वारकऱ्यांच्या अपघाताची ही दुसरी घटना ठरली आहे. यापूर्वी बारामतीजवळ एका भरधाव कारने विष्णू रामचंद्र पवार (वय 67) या वारकऱ्याला धडक दिली होती. पंढरपूरच्या वारीसाठी निघालेल्या पवार यांचा या अपघातात जागीच मृत्यू झाला होता. (Warkari Accident)

सलग घडणाऱ्या या अपघातांमुळे वारकऱ्यांच्या सुरक्षिततेचा प्रश्न पुन्हा ऐरणीवर आला असून, वारी मार्गावरील वाहतूक आणि सुरक्षा व्यवस्थेबाबत अधिक प्रभावी उपाययोजनांची मागणी होत आहे. (Warkari Accident)

West Bengal railway accident: पश्चिम बंगालमध्ये भीषण रेल्वे अपघात! स्कूल व्हॅनला ट्रेनची धडक