Pune News : आंबेगाव येथील दत्तनगरमधील सहाय्यक दुय्यम निबंधक कार्यालय (हवेली क्र. २०) येथे दस्त नोंदणीस नकार दिल्याच्या रागातून सहाय्यक दुय्यम निबंधकावर मारहाण केल्याची धक्कादायक घटना घडली आहे. ही घटना शुक्रवारी (दि. १७) सायंकाळी सुमारे ५.४५ वाजण्याच्या सुमारास घडली आहे. (Pune News)

पोलिसांनी दिलेल्या माहितीनुसार, संबंधित दस्तामध्ये आवश्यक लेआउट नसल्याने सहाय्यक दुय्यम निबंधकांनी दस्त नोंदणी करण्यास नकार दिला. या कारणाचा राग मनात धरून अॅड. योगेश , तुषार आणि महेश (पूर्ण नाव समजू शकले नाही) यांनी कार्यालयात गोंधळ घालत सहाय्यक दुय्यम निबंधकाला शिवीगाळ केली. (Pune News)

त्यानंतर हाताने तसेच बांबूने मारहाण केल्याचा आरोप आहे. या घटनेमुळे कार्यालयात काही काळ तणावाचे वातावरण निर्माण झाले. शासकीय अधिकाऱ्यावर कार्यालयातच झालेल्या हल्ल्यामुळे कर्मचारी वर्गात भीतीचे वातावरण पसरले आहे. (Pune News)

घटनेची माहिती मिळताच आंबेगाव पोलिसांनी घटनास्थळी धाव घेतली. या प्रकरणी संबंधित तिघांविरुद्ध आंबेगाव पोलीस ठाण्यात गुन्हा दाखल करण्याची प्रक्रिया रात्री उशिरापर्यंत सुरू होती. पोलिसांकडून पुढील तपास सुरू असून घटनेमागील नेमके कारण आणि इतर बाबींचा तपास केला जात आहे. (Pune News)

Pune Crime : एमराल्ड हॉल करारासाठी 60 लाखांची खंडणी; पतसंस्थेच्या पदाधिकाऱ्यांसह सात जणांविरुद्ध गुन्हा