Jamkhed News : अनेक वर्षांपासून प्रलंबित असलेल्या जामखेड तालुक्यातील खर्डा समूह ग्रामपंचायतीच्या विभाजनाच्या प्रश्नाला अखेर यश आले असून, महाराष्ट्र शासनाने याची अधिकृत अधिसूचना (राजपत्र) जारी केली आहे. (Jamkhed News)

विधान परिषदेचे सभापती प्रा. राम शिंदे यांनी या प्रकरणात थेट लक्ष घालत केलेल्या सातत्यपूर्ण पाठपुराव्यामुळे आणि ग्रामविकास विभागाला दिलेल्या निर्देशामुळे हा ऐतिहासिक निर्णय मार्गी लागला आहे. या निर्णयामुळे खर्डा परिसरातील वाड्या-वस्त्यांच्या विकासाचा मार्ग मोकळा झाला असून नागरिकांमध्ये आनंदाचे वातावरण आहे. (Jamkhed News)

खर्डा समूह ग्रामपंचायतीअंतर्गत नागोबाची वाडी, मुंगेवाडी, दरदवाडी, पांढरेवाडी, गितेवाडी आणि गावठाणवाडी ही गावे व वाड्या समाविष्ट होत्या. विस्तीर्ण कार्यक्षेत्र आणि मोठ्या लोकसंख्येमुळे मुख्य गावाव्यतिरिक्त इतर वाड्या-वस्त्यांवर विकास निधी पोहोचण्यास मर्यादा येत होत्या. (Jamkhed News)

अनेक शासकीय योजनांपासून येथील नागरिक वंचित राहत असल्याने विकासाचा अनुशेष वाढत गेला होता. या गंभीर प्रश्नाबाबत संभाजीनगर उच्च न्यायालयात (हायकोर्ट) याचिकाही दाखल करण्यात आली होती. (Jamkhed News)

या पार्श्वभूमीवर, १२ जुलै रोजी सर्व वाड्यांमधील ग्रामस्थांनी सभापती प्रा. राम शिंदे यांची प्रत्यक्ष भेट घेऊन त्यांना विभाजनाची मागणी करणारे निवेदन दिले होते. ग्रामस्थांच्या अडचणी व भावना समजून घेत सभापतींनी तात्काळ ग्रामविकास विभागाच्या मुख्य सचिवांना दूरध्वनीवरून संपर्क साधून खर्डा ग्रामपंचायतीच्या विभाजनाची प्रक्रिया तातडीने पूर्ण करण्याचे कडक निर्देश दिले. (Jamkhed News)

सभापतींच्या निर्देशानंतर प्रशासनाने गती घेत १७ जुलै २०२६ रोजी अधिकृत राजपत्र (असाधारण भाग चार-अ) प्रसिद्ध केले आहे. राज्यपाल यांच्या आदेशानुसार उपसचिव क. पोतदार यांनी स्वाक्षरी केलेल्या या अधिसूचनेनुसार आता तीन स्वतंत्र ग्रामपंचायती अस्तित्वात आल्या आहेत. (Jamkhed News)

नवीन ग्रामपंचायतीचे नाव समाविष्ट महसुली गावे / गट

१खर्डा खर्डा (स्वतंत्र गाव)
२नागोबाचीवाडी : नागोबाचीवाडी आणि मुंगेवाडी
३पांढरेवाडी : पांढरेवाडी आणि दरदवाडी (गितेवाडी व गावठाणवाडीसह)

या ऐतिहासिक विभाजनामुळे आता तिन्ही नवीन ग्रामपंचायतींना शासनाकडून स्वतंत्र निधी (१४ वा व १५ वा वित्त आयोग) थेट उपलब्ध होणार आहे. यामुळे रस्ते, पाणीपुरवठा, वीज, आरोग्य आणि इतर मूलभूत सुविधांचा विकास जलद गतीने होईल. (Jamkhed News)

वर्षानुवर्षांचे स्वप्न पूर्ण झाल्याने खर्डा, नागोबाचीवाडी, मुंगेवाडी, पांढरेवाडी, दरदवाडी आणि परिसरातील ग्रामस्थांनी सभापती प्रा. राम शिंदे यांचे जाहीर आभार मानले आहेत. निर्णय जाहीर होताच नागरिकांनी फटाके फोडून आणि पेढे वाटून गावात मोठा उत्सव साजरा केला. (Jamkhed News)

Jamkhed News : संत वामनभाऊ महाराज दिंडीत ‘आरंभ फाऊंडेशन’कडून वारकऱ्यांना सेवा; पाणी आणि बिस्किटांचे वाटप