मुंबई – बॉलिवूड अभिनेत्री ‘सारा अली खान’ ही सिनेइंडस्ट्रीतील उभरती स्टार मानली जाते. अनेकदा ती तिच्या किलर लूकने चाहत्यांची मनं जिंकते. सारा खूपच उत्स्फूर्त आहे आणि तिच्या सोशल मीडिया पोस्ट देखील याची साक्ष देतात. सारा तिच्या इंस्टाग्राम अकाउंटवर अनेकदा फोटो किंवा व्हिडिओ पोस्ट करत असते. आणि तिचे चाहते देखील अभिनेत्रीच्या या फोटो आणि व्हिडिओला नेहमीच पसंती देत असतात.
अश्यातच, अभिनेत्रीने पुन्हा एकदा सोशलवर आपला जलवा दाखवला आहे. नुकतंच साराने तिच्या इंस्टाग्रामवर स्वतःचे काही नवीन फोटो शेअर केले असून, हे फोटो सध्या सगळीकडे धुमाकूळ घालत आहेत. सारा नुकतीच वोग इंडिया मासिकाच्या कव्हर पेजवर झळकली. व्होगने त्यांच्या इंस्टाग्राम हँडलवरून हा फोटो शेअर केला आहे.
View this post on Instagram
त्यामध्ये ती हिरवा ड्रेस, कपाळावर टिकली अशा लूकमध्ये खूपच सुंदर दिसत आहे. ती नेहमी तिच्या लूक्सबाबत वेगवेगळे प्रयोग करत असते. यामध्ये तिने अतिशय हटके अश्या पोज दिल्याचं दिसून येत आहे. अभिनेत्रीचा हा नवीन अंदाज फॅन्सला देखील आवडला असून, तिच्या या फोटोंवर नेटकरी लाईक्स आणि कमेंटचा वर्षाव करत आहेत.
2018 मध्ये ‘केदारनाथ’ चित्रपटातून केलं पदार्पण…
सारा अली खानने ‘केदारनाथ’ या चित्रपटातून पदार्पण केले होते. हा चित्रपट 2018 मध्ये प्रदर्शित झाला होता आणि लोकांना तो खूप आवडला होता. या चित्रपटात सारा सुशांत सिंग राजपूतच्या सोबत दिसली होती. मुक्कू आणि मन्सूरची सुंदर प्रेमकहाणी आणि केदारनाथ आणि या ठिकाणाप्रती श्रद्धेने भरलेला हा चित्रपट आजही साराच्या हृदयाच्या जवळ आहे.
