Sanjay Shirsat : टायगर श्रॉफवर झालेल्या गोळीबाराच्या घटनेच्या पार्श्वभूमीवर, प्रसिद्धी मिळवण्यासाठी आणि दहशत पसरवण्यासाठी बॉलिवूड कलाकारांना लक्ष्य केले जात आहे, परंतु महाराष्ट्र सरकार अशा सर्व प्रयत्नांना हाणून पाडेल, असे राज्याचे मंत्री संजय शिरसाट (Sanjay Shirsat) यांनी सोमवारी सांगितले.

पत्रकार परिषदेत बोलताना शिरसाट (Sanjay Shirsat) म्हणाले, राज्य सरकारने या घटनेची गंभीर दखल घेतली आहे. उपमुख्यमंत्री एकनाथ शिंदे यांनी घटनास्थळी भेट दिली असून टायगर श्रॉफ यांचीही भेट घेतली आहे. या प्रकरणात कठोर कारवाई केली जाईल. दहशत पसरवण्याचे प्रयत्न सुरू आहेत. प्रसिद्धी मिळवण्यासाठी बॉलिवूडमधील कलाकारांना लक्ष्य केले जात आहे. मात्र, सरकार असे घडू देणार नाही.

सरकार अशा सर्व प्रयत्नांचा बीमोड करेल. शिरसाट यांनी आठवण करून दिली की, १९९५ ते १९९९ दरम्यान राज्यात शिवसेना-भाजप युतीचे सरकार असताना, जेव्हा भाजप नेते गोपीनाथ मुंडे गृहमंत्री होते, तेव्हा पोलिसांनी गुन्हेगारी टोळ्यांचे कंबरडे मोडले होते.

परिणामी, अनेक गुन्हेगारांना देश सोडून पळून जावे लागले होते. याचबरोबर, ठाण्यातील दिवंगत नेते प्रदीप पूर्णेकर यांच्या कुटुंबीयांची भेट न घेतल्याबद्दल उपमुख्यमंत्री एकनाथ शिंदे यांच्यावर टीका करणाऱ्या ठाकरेसेना नेते संजय राऊत यांच्यावरही (Sanjay Shirsat) त्यांनी निशाणा साधला.