Pratap Sarnaik:  मुख्यमंत्री पदाबाबत सातत्याने दावे केले जात असतानाच आता मंत्री आणि शिंदेंच्या शिवसेनेचे नेते प्रताप सरनाईक यांनी मोठं विधान केलं आहे. आगामी विधानसभेच्या निवडणुकीत आम्ही संख्याबळ वाढवून एकनाथ शिंदे यांना पुन्हा मुख्यमंत्री करु, असा विश्वास सरनाईक यांनी व्यक्त केला आहे.

नेमकं काय म्हणाले प्रताप सरनाईक?

“प्रत्येक शिवसैनिकाला वाटतं की एकनाथ शिंदे पुन्हा मुख्यमंत्री व्हावे. प्रताप सरनाईक, आनंद परांजपे आणि सर्वसामान्य शिवसैनिकांना वाटतं शिंदे साहेबांनी परत मुख्यमंत्री व्हावं. परंतु संख्याबळाचा विचार करावा लागतो. आज आमच्याकडे संख्याबळ नसल्यामुळे एकनाथ शिंदे उपमुख्यमंत्री आहेत. त्यामुळे आगामी विधानसभेच्या निवडणुकीत आम्ही संख्याबळ वाढवून एकनाथ शिंदे यांना पुन्हा मुख्यमंत्री करु. एकनाथ शिंदे पुन्हा मुख्यमंत्री व्हावेत ही जनतेची इच्छा आहे, असंही प्रताप सरनाईक म्हणाले.

पाणी पुरवठा मंत्री गुलाबराव पाटील यांनीही एकनाथ शिंदे मुख्यमंत्री व्हावेत ही आमची भावना आहे. तसेच प्रत्येक आमदाराची भावना आहे, असं म्हंटले होते.  तर एकनाथ शिंदेंना संख्याबळाची वाट पाहायची आवश्यकता नाही, ते आताही मुख्यमंत्री होऊ शकतात, असं विधान शिंदेंच्या शिवसेनेचे नेते सचिन अहिर यांनी केले  आहे.

दुष्काळग्रस्त शेतकरी कुटुंबांना मदतीचा हात देण्याचे आवाहन 

दुसरीकडे, दुष्काळग्रस्त शेतकरी कुटुंबांना मदतीचा हात देण्याचे आवाहन एकनाथ शिंदे यांनी शिवसैनिकांना केले आहे. दुष्काळग्रस्त भागातील शिवसैनिक आणि पदाधिकाऱ्यांनी मुंबईत येण्याऐवजी थेट शेतकऱ्यांच्या घरी जाऊन मदतीचे तोरण लावावे, अशी विशेष सूचना पक्षाने दिली आहे. तर काही वेळापूर्वीच उपमुख्यमंत्री एकनाथ शिंदे यांच्या उपस्थितीत दुष्काळग्रस्त शेतकऱ्यांच्या कुटुंबियांसाठी दिवाळीचा शिधा घेऊन जाणारे ट्रक राज्यातील विविध भागांसाठी रवाना करण्यात आले आहे.

Pune Mahalakshmi Devi: सुवर्णवस्त्रांनी सजली सारसबागेतील श्री महालक्ष्मी देवी; दर्शनासाठी पुणेकरांची मोठे गर्दी