Sanjay Raut : दिल्लीतील जंतर-मंतर येथे कॉकरोच जनता पार्टीच्या नेतृत्वाखालील आंदोलनावेळी सहभागी झालेल्यांवर करण्यात आलेल्या पोलीस कारवाईसाठी केंद्रीय गृहमंत्री अमित शाह हे जबाबदार असल्याचे ठाकरेसेना नेते संजय राऊत (Sanjay Raut) यांनी रविवारी म्हटले.

शिक्षणमंत्री धर्मेंद्र प्रधान यांच्या राजीनाम्याची मागणी करण्यासाठी २० जुलै रोजी सीजेपीने काढलेल्या संसद चलो मोर्चादरम्यान, सहभागी आंदोलक आणि दिल्ली पोलीस व सीआरपीएफचे सुरक्षा कर्मचारी (Sanjay Raut) यांच्यात अनेक ठिकाणी झटापट झाली.

यामुळे सुरक्षा दलांनी बळाचा आणि पेलेट गन्सचा (छर्रे मारणाऱ्या बंदुकांचा) वापर केल्याचे आरोप झाले. मात्र, मोर्चादरम्यान आंदोलकांविरुद्ध पेलेट गन्सचा वापर केल्याचा दावा दिल्ली पोलिसांनी फेटाळला आहे.

विद्यार्थ्यांवर हल्ले झाले आणि महिलांचा छळ करण्यात आला. यासाठी केंद्रीय गृहमंत्री जबाबदार आहेत. देशात जे काही वाईट घडत आहे, त्यासाठी शाह जबाबदार आहेत, असा आरोप त्यांनी केला. अमित शाह यांना लवकरात लवकर देशाचे उपपंतप्रधान आणि त्यानंतर पंतप्रधान व्हायचे आहे. त्यांना पंतप्रधानांची बदनामी करायची आहे आणि त्यांना पदावरून हटवायचे आहे. ही अंतर्गत बातमी आहे, असा दावा राऊत (Sanjay Raut) यांनी केला.