Sandeep Deshpande : नरेंद्र मोदी यांनी पंतप्रधान पदावर 4,399 दिवसांच्या सलग सेवेचा विक्रम प्रस्थापित केला आहे. याद्वारे त्यांनी 1952 ते 1964 या काळात 4,398 दिवस सलग सेवा बजावलेल्या जवाहरलाल नेहरू यांचा पूर्वीचा विक्रम मागे टाकला आहे. मोदींच्या या विक्रमानंतर भाजपसह मित्रपक्षांकडून त्यांना शुभेच्छा देत त्यांचे कौतुक करण्यात आले.

याकरिता काल (बुधवारी, ता १०)भाजप मुंबई अध्यक्ष अमित साटम यांनी मुंबईतील सिद्धिविनायक मंदिरात पूजा देखील केली. परंतु आता या पूजेला मनसेकडून प्रतिउत्तर देत महागाईच्या दरात, बेरोजगारीच्या दरात मोदींनी विक्रम केल्याबद्दल उपहासात्मक अभिनंदन करत पूजा करण्यात आली आहे.

“बाबूमोशाय जिंदगी बडी होनी चाहिये लंबी नही”कुठल्या व्यक्तीने कुठल्या पदावर किती वर्ष काम केलं या पेक्षां किती चांगलं काम केलं हे महत्वाचं ,नाही का ? pic.twitter.com/NyER9EJAwQ

— Sandeep Deshpande (@SandeepDadarMNS) June 11, 2026

संदीप देशपांडे पोस्ट –   (Sandeep Deshpande )

मनसे प्रवक्ते संदीप देशपांडे यांनी या सर्व संदर्भात सोशल मिडीयावरती एक पोस्ट शेअर केली आहे, पोस्टमध्ये देशपांडेंनी म्हटलंय की, “बाबूमोशाय जिंदगी बडी होनी चाहिये लंबी नही” कुठल्या व्यक्तीने कुठल्या पदावर किती वर्ष काम केलं या पेक्षां किती चांगलं काम केलं हे महत्वाचं, नाही का?” असा सवाल केला आहे.

सर्वाधिक महागाईचा दर विक्रम, मोदीजी…  (Sandeep Deshpande )

तर संदीप देशपांडे यांनी एक पोस्टर शेअर केले आहे. ज्यात, “विक्रमवीर माननीय पंतप्रधान नरेंद्र मोदी साहेब, अभिनंदन! सर्वात जास्त काळ पंतप्रधानपदी राहण्याचा विक्रम केल्याबद्दल, मोदीजी, आपले मनसे अभिनंदन ! सर्वाधिक महागाईचा दर विक्रम, मोदीजी, आपले मनसे अभिनंदन !

सर्वाधिक डॉलरचा दर विक्रम, मोदीजी, आपले मनसे अभिनंदन ! सर्वाधिक पेट्रोलचा दर विक्रम, मोदीजी, आपले मनसे अभिनंदन ! सर्वाधिक घरगुती गॅसचा दर विक्रम, मोदीजी, आपले मनसे अभिनंदन ! सर्वाधिक बेरोजगारीचा विक्रम, मोदीजी, आपले मनसे अभिनंदन ! तसेच एकही पत्रकार परिषद न घेण्याचा विक्रम, मोदीजी, आपले मनसे अभिनंदन ! असेच महाविक्रम मोदीजी, आपणांकडून होत रहावे ह्यासाठी श्री सिद्धिविनायकचरणी मनसे प्रार्थना !”, असे लिहिले आहे.

हेही वाचा: 

Sunny Leone : बॉलिवूडची बेबी डॉल अडचणीत? 2400 कोटींच्या घोटाळा प्रकरणी CID ची नोटीस