Samantha and Raj : अभिनेत्री समंथा रुथ प्रभू आणि ‘द फॅमिली मॅन’चे दिग्दर्शक राज निदिमोरू यांनी अखेर लग्नगाठ बांधली आहे. सकाळी लवकरच ईशा योग सेंटरमधील लिंग भारवी मंदिरात हा लग्नसोहळा पार पडला. एका सूत्राने सांगितले की, “लग्न सोमवारी पहाटे साधेपणात झाले. सामंथाने लाल रंगाची साडी परिधान केली होती.”

फक्त 30 पाहुण्यांच्या उपस्थितीत सोहळा

हा विवाह अत्यंत खाजगी ठेवण्यात आला होता. एकूण 30 पाहुणे उपस्थित होते. रविवार रात्रीपासूनच या लग्नाबाबत चर्चा सुरु झाली होती.

राज यांच्या माजी पत्नीची ‘क्रिप्टिक’ पोस्ट

लग्नाच्या चर्चांना उधाण येण्यामागे एक कारण म्हणजे राज यांच्या माजी पत्नी श्यामली डे यांनी केलेली एक इन्स्टाग्राम स्टोरी. त्यांनी लिहिले होते, “Desperate people do desperate things.” या पोस्टमुळे अनेकांच्या भुवया उंचावल्या. राज आणि श्यामली यांचा 2022 मध्ये घटस्फोट झाला होता.

2024 पासून जवळीक वाढल्याच्या चर्चा

2024 च्या सुरुवातीपासूनच समंथा आणि राज यांच्या जवळिकीबद्दल अफवा सुरू होत्या. मागील वर्षभरात सामंथा यांनीही सोशल मीडियावर राजसोबतचे फोटो शेअर करत आपल्या नात्याविषयी खुलून बोलायला सुरुवात केली होती.

सामंथाचे पूर्वीचे वैवाहिक जीवन

यापूर्वी समंथा यांचे लग्न अभिनेता नागा चैतन्यसोबत झाले होते. मात्र चार वर्षांनी त्यांचे विभक्त होणे जाहीर झाले. त्यानंतर नागा चैतन्य यांनी अभिनेत्री सोभिता धुलीपालासोबत विवाह केला.