पैठण‎ : संत एकनाथ महाराज यांच्या नाथषष्ठी‎यात्रेला उद्या गुरुवारपासून प्रारंभ होत आहे. ‎नाथ मंदिरात ५७ सीसीटीव्ही तर शहरातील‎ इतर ठिकाणी असलेल्या शंभर‎ सीसीटीव्हीसह ७०० पोलिसांचा बंदोबस्त तैनात करण्‍यात आला आहे. तसेच साडेचारशे एसटी बसेससह तब्बल ‎एक हजार राहुट्यांमधून पाच लाख वारकरी ‎नाथषष्ठीच्या तीन दिवसीय सोहळ्यासाठी‎ पैठणनगरीत दाखल होणार आहेत.‎

यात्रेची तयारी पूर्ण झाली असल्याचे ‎‎मुख्याधिकारी संतोष आगळे यांनी सांगितले. ‎‎गोल नाका परिसर, सह्याद्री नाका परिसर, ‎दक्षिण काशी मैदान, धरण परिसर तसेच संत ‎‎ज्ञानेश्वर उद्यान समोरील प्रांगण या ठिकाणी ‎‎बाहेरून येणारी सर्व वाहनाची पार्किंग व्यवस्था करण्यात आली आहे. विविध ‎‎सामाजिक संघटनांच्या माध्यमातून फराळ‎वाटप केले जाणार आहे. पालिका प्रशासनाने ‎‎तयारी पूर्ण केली आहे.‎

दरम्‍यान, २० मार्च फाल्गुन रोजी पहिली‎ मानाची निर्याण दिंडी परंपरेप्रमाणे‎ सकाळी ११ वा. गावातील नाथ‎‎‎‎‎मंदिरातून निघून नाथ समाधी‎ मंदिरात जाईल. त्या ठिकाणी‎ परंपरेप्रमाणे गाभाऱ्यात श्री संत ‎एकनाथ महाराज समाधी‎ सोहळ्याचे नारदीय कीर्तन होईल.‎ यानंतर २१ मार्च फाल्गुन रात्री १२ वा.‎परंपरेप्रमाणे गावातील नाथ‎मंदिरातून श्री एकनाथ‎ महाराजांच्या पादुकांचा छबिना‎ श्री मधुसूदनबुवा गोसावी हे‎ काढतील. छबिन्यापुढे श्री‎ रघुनायबुवा पालखीवाले यांची ‎दिंडी असेल.‎ २२ मार्च फाल्गुन रोजी मानाची ‎काल्याची दिंडी दुपारी नाथ‎मंदिरात जाईल.‎