Rohit Sharma Reveals Where He Learned Abuses on Stump Mic Video Viral : भारतीय क्रिकेट संघाचा माजी कर्णधार रोहित शर्मा आपल्या बिनधास्त अंदाजासाठी आणि दिलखुलास स्वभावासाठी जगभरात ओळखला जातो. मैदानावर खेळाडूंना मैदानातील चुकांवरून ओरडताना किंवा स्टम्प माइकवर त्याच्या तोंडून निघालेले अनपेक्षित शब्द अनेकदा सोशल मीडियावर व्हायरल होतात आणि चाहत्यांमध्ये हशा पिकवतात. आता मैदानातील याच संभाषणावर आणि शिव्यांवरून रोहितने एका कार्यक्रमादरम्यान अत्यंत रंजक आणि मजेशीर खुलासा केला आहे.

मिका सिंगने घेतली फिरकी; मंचावर पिकला हशा –

रोहित शर्मा सध्या ‘फॅमिली फुल हाऊस विथ रोहित शर्मा’ या विशेष कार्यक्रमातून प्रेक्षकांच्या भेटीला आला आहे. या कार्यक्रमादरम्यान प्रसिद्ध बॉलिवूड गायक मिका सिंग याने रोहितच्या या सवयीवरून त्याची चांगलीच फिरकी घेतली. मिका म्हणाला की, त्याचा स्टाफ त्याला घरी सांगायचा की तो खूप शिव्या देतो; मात्र जेव्हा त्याने रोहितला मैदानावर स्टम्प माइकवर ऐकले, तेव्हा रोहितने त्याचाही विक्रम मोडीत काढल्याचे त्याला जाणवले. मिकाच्या या वक्तव्यानंतर सभागृहात एकच हशा पिकला.

पंजाबी सिनियर्सकडून शिकलो; रोहितने घेतली दोन दिग्गजांची नावे –

 

View this post on Instagram

 

मिकाच्या या टिपणीवर रोहितने जराही आढेवेढे न घेता तितक्याच दिलखुलासपणे उत्तर दिले. रोहित म्हणाला की, तो या गोष्टी आपल्या पंजाबी सिनियर्सकडून शिकला आहे. विशेषतः माजी फिरकीपटू हरभजन सिंग आणि स्टार अष्टपैलू युवराज सिंग यांच्याकडूनच त्याने या शिव्या शिकल्याचे हसतमुखाने सांगितले. हे उत्तर ऐकताच उपस्थित प्रेक्षकांसह मंचावरील सर्वच जण पोट धरून हसू लागले.

हेही वाचा – Chahal Rehab Story : घटस्फोट, पॅनिक अटॅक अन् २६ दिवस रिहॅब सेंटरमध्ये! युझवेंद्र चहलने सांगितला आयुष्यातील सर्वात खडतर प्रवास

ओरडा मिळायचा पण दोघेही मनाचे दिलदार; ड्रेसिंग रूममधील आठवणी

Yeh sab bhi game ka hissa hai😂

Dekhiye Family Full House with Rohit Sharma, Sat-Sun 9:30 baje, sirf #SonyEntertainmentTelevision aur Sony LIV par.

#RohitSharma #FamilyFullHouse #SonyTV https://t.co/q5Gi6LcoEY

— sonytv (@SonyTV) October 15, 2026

रोहितने जुन्या दिवसांची आठवण सांगताना स्पष्ट केले की, जेव्हा तो संघात नवीन आला होता, तेव्हा हरभजन आणि युवराज हे त्याचे अत्यंत वरिष्ठ खेळाडू होते. सामन्यादरम्यान काही चुका झाल्या की त्यांच्याकडून मैदानावरच ओरडा खावा लागायचा. मात्र ते दोघेही मनाने अत्यंत दिलदार आणि स्वच्छ होते. त्यामुळे ते रागावले किंवा त्यांनी शिवी दिली तरी त्याचे वाईट वाटत नव्हते, उलट आपण ते शांतपणे ऐकून घ्यायचो, असे सांगत रोहितने ड्रेसिंग रूममधील त्या सुवर्णकाळाची आठवण ताजी केली.