RCB vs RR Royal Challengers Bangalore beat Rajasthan Royals : आरसीबीने अखेर आयपीएल २०२५ मध्ये घरच्या मैदानावर आपला पहिला विजय नोंदवला. या मैदानावर गेल्या सलग ३ सामन्यात पराभव पत्करणाऱ्या रजत पाटीदारच्या संघाने रोमांचक सामन्यात जोरदार पुनरागमन करत राजस्थान रॉयल्सचा ११ धावांनी पराभव केला. या विजयात विराट-पडिक्कलसह जोश हेझलवूडने महत्त्वाची भूमिका बजावली.
राजस्थानचा सलग पाचवा पराभव –
या सामन्यात नाणेफेक गमावून प्रथम फलंदाजी करताना आरसीबीने कोहली आणि पडिक्कल यांच्या दमदार अर्धशतकांच्या मदतीने २०५ धावा केल्या होत्या. प्रत्युत्तरात राजस्थान रॉयल्ससाठी यशस्वी जैस्वाल आणि ध्रुव जुरेल यांच्या दमदार खेळींमुळे विजयाची आशा निर्माण झाली होत. पण जोश हेझलवूड आणि कृणाल पंड्या यांनी त्यांच्या उत्कृष्ट गोलंदाजीने सामना पलटला. त्यामुळे राजस्थानला १९४ धावांच करता आल्याने आरसीबीने संस्मरणीय विजय मिळवला. त्याचबरोबर राजस्थानला सलग पाचवा पराभव पत्करावा लागला.
Changed the game with his sharp skills 👌
Josh Hazlewood is tonight's Player of the Match for producing a superb spell 👏
Scorecard ▶ https://t.co/mtgySHgAjc #TATAIPL | #RCBvRR pic.twitter.com/lN6BDXS3ak
— IndianPremierLeague (@IPL) April 24, 2025
एम चिन्नास्वामी स्टेडियमवर हा या हंगामातील चौथा सामना होता. गेल्या तीन सामन्यांप्रमाणे, पुन्हा एकदा घरच्या संघ रॉयल चॅलेंजर्स बंगळुरूचा कर्णधार रजत पाटीदारने चौथ्यांदा नाणेफेक गमावली. सलग चौथ्यांदा त्याच्या संघाला प्रथम फलंदाजी करावी लागली. पण चिन्नास्वामी येथे झालेल्या गेल्या ३ सामन्यांपेक्षा, यावेळी आरसीबीने चांगली सुरुवात केली आणि पॉवर प्लेमध्ये एकही विकेट्स न गमावता धावांचा पाऊस पाडला. विराट आणि सॉल्ट या सलामी जोडीने ६.४ षटकांत ६१ धावांची शानदार सुरुवात दिली. यानंतर, कोहली आणि देवदत्त पडिकल यांनी पुन्हा एकदा राजस्थानविरुद्ध त्यांच्या शानदार भागीदारीची झलक दाखवली.
हेही वाचा – RCB vs RR : विराट कोहलीने रचला इतिहास! चिन्नास्वामी ‘हा’ पराक्रम करणारा ठरला पहिलाच खेळाडू
जैस्वालची वादळी खेळी ठरली व्यर्थ –
दोघांनी मिळून दुसऱ्या विकेटसाठी फक्त ५१ चेंडूत ९५ धावांची शानदार भागीदारी केली. यादरम्यान, कोहलीने हंगामातील त्याचे पाचवे अर्धशतक पूर्ण केले आणि पडिक्कलने त्याचे सलग दुसरे अर्धशतक पूर्ण केले. प्रत्युत्तरादाखल, यशस्वी जयस्वालने डावाच्या पहिल्याच चेंडूवर षटकार मारून राजस्थानकडून स्फोटक सुरुवात केली. जैस्वालने वैभव सूर्यवंशीसोबत मिळून फक्त पाचव्या षटकात संघाला ५० धावांचा टप्पा ओलांडून दिला. त्यानंतर नितीश राणानेही आक्रमक फलंदाजी सुरू केली. राजस्थानने पॉवरप्लेमध्येच ७२ धावा केल्या होत्या आणि त्याच षटकात जोश हेझलवूडने जैस्वालची विकेट घेत बंगळुरूला मोठा दिलासा दिला. पण नितीश आणि कर्णधार रियान पराग यांनीही आक्रमक फलंदाजी केली आणि ९ व्या षटकापर्यंत संघाला ११० धावांपर्यंत पोहोचवले.
Glorious MAXIMUMS, ft. Dhruv Jurel and Shubham Dubey 🙌
Updates ▶ https://t.co/mtgySHgAjc #TATAIPL | #RCBvRR | @rajasthanroyals pic.twitter.com/HCNbk0KR8o
— IndianPremierLeague (@IPL) April 24, 2025
कृणाल आणि हेझलवूडने केले आरसीबीचे पुनरागमन –
येथे कृणाल पंड्याने १० व्या षटकात रियान परागची विकेट घेतली आणि त्यानंतर फिरकीपटूंनी थोडा ब्रेक घेतला. त्यानंतर त्याच्या तिसऱ्या षटकात कृणालने नितीशलाही बाद केले. यानंतर, जबाबदारी ध्रुव जुरेल आणि शिमरॉन हेटमायरवर आली, जे गेल्या २ सामन्यांमध्ये पराभवाचे खलनायक ठरले. दोघांमधील भागीदारी वाढत असल्याचे दिसत होते, पण १७ व्या षटकात हेझलवूडने हेटमायरला परत पॅव्हेलियनमध्ये पाठवले.
हेही वाचा – RCB vs RR : आरसीबीने राजस्थानविरुद्ध रचला इतिहास! मोडला १० वर्षांपूर्वीचा जुना विक्रम
त्यानंतर १८ व्या षटकात, जुरेलने भुवनेश्वर कुमारच्या षटकात २२ धावा काढून संघाला पुनरागमन मिळवून दिले. पण सामन्याचे भवितव्य १९ व्या षटकात ठरले. या अनुभवी ऑस्ट्रेलियन वेगवान गोलंदाजाने प्रथम जुरेल आणि नंतर जोफ्रा आर्चरला पॅव्हेलियनमध्ये परत पाठवले आणि फक्त १ धाव दिली. २० व्या षटकात आवश्यक असलेल्या १७ धावा राजस्थानच्या आवाक्याबाहेर राहिल्या आणि यश दयालने राजस्थानला १९४ धावांवर रोखून संघाला संस्मरणीय विजय मिळवून दिला.
