Rajendra Jain :  उपमुख्यमंत्री सुनेत्रा पवार यांच्या राजीनाम्यामुळे रिक्त झालेल्या राज्यसभेच्या जागेवर राष्ट्रवादीने विदर्भातील नेते राजेंद्र जैन यांच्या नावावर शिक्कामोर्तब केला आहे. राष्ट्रवादी काँग्रेसच्या कोअर कमिटीच्या बैठकीत जैन यांचे नाव अंतिम झाल्यानंतर सुनील तटकरे यांनी माध्यमांसमोर राजेंद्र जैन यांच्या नावाची घोषणा केली.

या जागेसाठी छगन भुजबळ यांच्या नावाची जोरदार चर्चा होती. मात्र अखेरच्या क्षणी राजेंद्र जैन नाव निश्चित करण्यात आलं. राज्यसभेची उमेदवारी मिळाल्यानंतर राजेंद्र जैन यांनी आपली पहिली प्रतिक्रिया दिली आहे.

काय म्हणाले राजेंद्र जैन?  (Rajendra Jain)

राजेंद्र जैन म्हणाले की, “राष्ट्रवादीची स्थापना झाल्यापासून कार्यकर्ता म्हणून पक्षात काम करतोय. स्व. अजितदादांच्या मार्गदर्शनाखाली मी दोन वेळा विधान परिषदेवर निवडुन आलो. एक वेळ मी पडलो. गोंदिया मध्यवर्ती जिल्हा सहकारी बॅकेत मी 19 वर्षापासून मी अध्यक्ष आहे. आता माझ्यावर पक्षाने जी जबाबदारी दिली आहे. सुनेत्रा पवार यांनी जो विश्वास दाखवला आहे, तो मी खरा करणार.”

“मी विदर्भात चांगल्या पद्धतीने काम करून अजित दादांच जे स्वप्न आहे, ते पूर्ण करण्यासाठी मी आजपर्यत पक्षाचा इमानदार कार्यकर्ता म्हणून काम केलं. त्या पद्धतीनेच काम करणार आणि एका सामान्य कार्यकर्त्यावर जो विश्वास दाखवला तो मी सार्थ करून दाखवणार,” असेही राजेंद्र जैन म्हणाले आहेत.

“माझे वरिष्ठ नेते आणि माझ्या वडिलांसारखे आहेत आमच्या पक्षात नाराजी वगैरे काही राहत नाही. ते माझे वडील धारे आहेत त्यांचा आशीर्वाद माझ्यावर आहे. 15 वर्षात त्यांनी मला अनेकदा आशीर्वाद दिलेला आहे. आम्ही सर्वजण एक संघ आहोत. कोणताही शब्द नाही. आमच्या पक्षात कोणावरही अन्याय होत नाही आणि ते वडील धारे आहेत फक्त पक्षाचं काम केलं एकनिष्ठ आणि इमानदारीने आज त्याचं फळ मिळालं. जी माझी काम करण्याची पद्धत आहे एक सामान्य कार्यकर्त्याला सर्व नेत्यांनी आशीर्वाद दिला आहे, त्यावर मी खरा उतरणार आहे, असा विश्वासही राजेंद्र जैन यांनी व्यक्त केला. Rajendra Jain 

PMC News : ‘शहरी गरीब योजने’त महापालिकेची फसवणूक; ‘या’ रुग्णालयाविरोधात गुन्हा दाखल होणार

कोण आहेत राजेंद्र जैन?

राजेंद्र जैन माजी केंद्रीय मंत्री आणि ज्येष्ठ नेते प्रफुल पटेल यांचे विश्वासू शिलेदार ते एकेकाळी त्यांचे स्वीय सहाय्यक राहिले आहेत. प्रफुल्ल पटेल यांच्यासोबत काम करत असतानाच त्यांचा राष्ट्रवादी काँग्रेस पक्षातील सक्रिय वावर आणि प्रभाव वाढत गेला. राजेंद्र जैन हे पूर्व विदर्भातील गोंदिया जिल्ह्यातील वजनदार राजकारणी आहेत. राष्ट्रवादी काँग्रेस पक्षाचे विदर्भातील एक प्रमुख नेते म्हणून त्यांची ओळख आहे. त्यांनी यापूर्वी विधान परिषदेचे आमदार म्हणूनही काम पाहिले आहे.

मात्र 2016 मध्ये झालेल्या विधान परिषद निवडणुकीत त्यांचा भारतीय जनता पक्षाचे उमेदवार परिणय फुके यांच्याकडून पराभव झाला होता. राष्ट्रवादी काँग्रेस पक्षाच्या पूर्व विदर्भातील संघटनात्मक बांधणीत राजेंद्र जैन यांनी अत्यंत महत्त्वाची भूमिका बजावली आहे. पक्षाने त्यांच्यावर वेगवेगळ्या काळात गोंदिया, भंडारा आणि नागपूर जिल्ह्यांची महत्त्वाची संघटनात्मक जबाबदारी सोपवली होती. Rajendra Jain 

भुजबळांना तिकीट का नाकारलं?

उमेदवारी न मिळाल्याने छगन भुजबळ यांच्या नाराजीच्या चर्चा सुनील तटकरे यांनी फेटाळल्या आहेत.  तटकरे म्हणाले, “भुजबळांचे नाव चर्चेत होते, हे खरे आहे. पण ते अजिबात नाराज नाहीत. पक्ष एकसंघपणे काम करतो आहे. भुजबळ राष्ट्रवादीचे संस्थापक प्रदेशाध्यक्ष आहेत. अजित दादांनी वेगळा निर्णय घेतल्यानंतर त्या निर्णय प्रक्रियेतील महत्वाचे योगदान आम्हा मंडळीचे होते. तितकेच योगदान भुजबळांचे देखील होते. त्यामुळे त्यांच्या ज्येष्ठत्वाचा अनुभव पक्षाला उद्याच्या दृष्टीकोनातून दिशादर्शक ठरणार आहे. पुढच्या कालावधीसाठी त्यांच्या मार्गदर्शनाखाली पक्षाच्या वाटचालीसाठी त्या संदर्भातला निर्णय आम्ही नक्की घेऊ,” असे तटकरे यांनी स्पष्ट केले.

हेही वाचा: 

Pune Railway Station : पुणे रेल्वे स्थानक होणार भिक्षेकरीमुक्त! पोलिसांची मोठी मोहीम; २ महिन्यांत ६० जणांवर कारवाई