Maharashtra Politics : काँग्रेस-राष्ट्रवादीला मोठा धक्का! नगरसेविकेसह NCP उमेदवाराचे जात प्रमाणपत्र अवैध; जिल्हाधिकाऱ्यांच्या निर्णयाकडे लक्ष
Maharashtra Politics : राजापूर नगरपालिकेच्या सार्वत्रिक निवडणुकीनंतर स्थानिक राजकारणात एक अत्यंत मोठी खळबळ उडाली आहे.
Maharashtra Politics : राजापूर नगरपालिकेच्या 2025 मधील सार्वत्रिक निवडणुकीत प्रभाग क्रमांक 6 (अ) मधून निवडून आलेल्या काँग्रेसच्या नगरसेविका अफरोज महमंद झारी तसेच त्यांच्या विरोधात निवडणूक लढवलेल्या राष्ट्रवादी काँग्रेस (अजित पवार गट)च्या निलोफर मुकादम यांचे जात प्रमाणपत्र जिल्हा जात प्रमाणपत्र पडताळणी समितीने अवैध ठरवले आहे. या निर्णयामुळे स्थानिक राजकारणात मोठी खळबळ उडाली आहे. (Maharashtra Politics )
जिल्हा जात प्रमाणपत्र पडताळणी समितीचे अध्यक्ष शंकर बर्गे, सदस्य सचिव शीतल सोनटक्के आणि सदस्य रवींद्र कदम यांच्या त्रिसदस्यीय समितीने हा निर्णय दिला. समितीने दोघींनाही उपविभागीय अधिकाऱ्यांकडून देण्यात आलेले इतर मागास प्रवर्ग (OBC) जातीचे मूळ प्रमाणपत्र जप्त करून नस्तीबंद करण्याचे आदेशही दिले आहेत. (Maharashtra Politics )
समितीचा निर्णय प्राप्त झाल्यानंतर राजापूर नगरपालिकेच्या मुख्याधिकाऱ्यांनी याबाबतचा अहवाल जिल्हाधिकाऱ्यांकडे पाठवला आहे. त्यामुळे आता अफरोज झारी यांच्या नगरसेवक पदाबाबत जिल्हाधिकारी काय निर्णय घेणार, याकडे सर्वांचे लक्ष लागले आहे. (Maharashtra Politics )
डिसेंबर 2025 मध्ये झालेल्या नगरपालिकेच्या निवडणुकीत मागास प्रवर्ग महिला राखीव असलेल्या प्रभागातून काँग्रेसच्या अफरोज झारी आणि महायुतीतील राष्ट्रवादी काँग्रेस (अजित पवार गट)च्या निलोफर मुकादम यांच्यात थेट लढत झाली होती. या निवडणुकीत अफरोज झारी यांनी विजय मिळवला होता. (Maharashtra Politics)
निवडणुकीनंतर दोन्ही उमेदवारांनी सादर केलेल्या जात प्रमाणपत्रांची पडताळणी करण्यासाठी प्रस्ताव जिल्हा जात पडताळणी समितीकडे पाठविण्यात आला होता. विविध दस्तऐवज, पुरावे आणि संबंधित पक्षांची बाजू ऐकल्यानंतर समितीने दोन्ही प्रमाणपत्रे अवैध ठरवण्याचा निर्णय दिला. (Maharashtra Politics )
दरम्यान, अफरोज झारी यांचे नगरसेवक पद रद्द झाल्यास राजापूर नगरपालिकेतील सत्ताधारी काँग्रेस आणि महाविकास आघाडीच्या संख्याबळावर परिणाम होण्याची शक्यता व्यक्त केली जात आहे. आता अंतिम निर्णय जिल्हाधिकाऱ्यांकडून काय घेतला जातो, याकडे राजकीय वर्तुळाचे लक्ष लागले आहे. (Maharashtra Politics)
