Maharashtra Politics : शिवसेना (उद्धव बाळासाहेब ठाकरे) पक्षाच्या नेत्या आणि माजी राज्यसभा खासदार प्रियांका चतुर्वेदी यांच्याबाबत सोशल मीडियावर सुरू असलेल्या राजकारणातून संन्यासाच्या चर्चांवर त्यांनी स्वतःच पूर्णविराम दिला आहे. (Maharashtra Politics )

भाजप खासदार नवीन जिंदाल यांच्या शैक्षणिक संस्थेत अध्यापनाची नवी जबाबदारी स्वीकारल्यानंतर त्या सक्रिय राजकारणातून दूर जाणार असल्याच्या चर्चा रंगल्या होत्या. मात्र, प्रियांका चतुर्वेदी यांनी त्या सर्व दाव्यांचे स्पष्टपणे खंडन केले आहे. (Maharashtra Politics )

प्रियांका चतुर्वेदी यांनी हरियाणातील सोनीपत येथील ओ. पी. जिंदाल ग्लोबल विद्यापीठात अध्यापनाची नवी सुरुवात केली आहे. या नव्या भूमिकेची माहिती त्यांनी सोशल मीडियावर दिल्यानंतर त्यांच्या राजकीय भवितव्याबाबत विविध तर्कवितर्कांना उधाण आले. (Maharashtra Politics )

सोशल मीडियावरील एका पोस्टला उत्तर देताना त्यांनी ठाम शब्दांत म्हटले, “राजकारणातून संन्यास? स्वप्नातही नाही!” गेल्या २० वर्षांच्या मेहनतीने आणि संघर्षाने मिळवलेल्या स्थानाचा त्याग करण्याचा प्रश्नच उद्भवत नाही. राजकारणातील आपली लढाई सुरूच राहील आणि अशा अफवा पसरवणाऱ्यांना हे उत्तर पुरेसे आहे, असेही त्यांनी स्पष्ट केले. (Maharashtra Politics )

‘लिंक्डइन’वरील पोस्टमध्येही त्यांनी आपली भूमिका अधिक स्पष्ट करत म्हटले की, दोन दशकांहून अधिक काळ राजकारणात सक्रिय राहिल्यानंतरही राजकारण सोडण्याचा कोणताही विचार नाही. मात्र, देशासाठी योगदान देण्याचे मार्ग केवळ राजकारणापुरते मर्यादित नसतात. आपल्या अनुभवाचा उपयोग करून भारताच्या पुढील पिढीतील नेतृत्व घडविण्यासाठी अध्यापन क्षेत्रात काम करण्याचा निर्णय घेतल्याचे त्यांनी सांगितले. (Maharashtra Politics )

दरम्यान, शिवसेना (उद्धव बाळासाहेब ठाकरे) पक्षाला अलीकडच्या काळात अनेक राजकीय धक्के बसले आहेत. सहा खासदारांनी एकनाथ शिंदे यांच्या शिवसेनेत प्रवेश केल्यानंतर विधान परिषदेतील आमदार सचिन अहिर यांनीही शिंदे गटाची वाट धरली आहे. अशा पार्श्वभूमीवर प्रियांका चतुर्वेदी यांच्याबाबतच्या चर्चांना आणखी वेग आला होता. मात्र, त्यांनी स्वतःच आपली भूमिका स्पष्ट करत आपण सक्रिय राजकारणात कायम राहणार असल्याचे जाहीर केले आहे.

Uddhav Thackeray : ‘ मी अमित शाहांबरोबर अयोध्येला जाणार’; उद्धव ठाकरेंचं सर्वांत मोठं विधान