पुणे – पुणे शहर आणि परिसरात आज, 3 एप्रिल रोजी अवकाळी पावसाने हजेरी लावली. शहरात सर्वदूर पावसाला सुरुवात झाली असून, विजांच्या कडकडाटासह आणि ढगांच्या गडगडाटासह पाऊस कोसळत आहे. पुणे जिल्ह्यतील अनेक भागात आज पाऊस पडत आहे.

या पावसामुळे वातावरणात गारवा निर्माण झाला असला तरी परिसरातील आंबा उत्पादक शेतकऱ्यांमध्ये चिंतेचं वातावरण आहे. आकाशात ढग दाटून आल्याने पुढील काही काळ पाऊस सुरू राहण्याची शक्यता आहे. भारतीय हवामान पुणे विभागाचे माजी प्रमुख आणि शास्त्रज्ञ के. एस. होसाळीकर यांनीही राज्यातील हवामानाचा ताजा अंदाज जाहीर केला आहे.

3 April: ✔️कोकण व मध्य महाराष्ट्रात तुरळक ठिकाणी विजांच्या कडकडाटासह वादळ, सोसाट्याचा वारा (40-50kmph),हलका-माध्यम पावसाची शक्यता.
✔️मराठवाड्यातील वरील प्रमाणेच तीव्र हवामान व (30-40kmph) शक्यता.
✔️विदर्भातील वरील प्रमाणे तीव्र हवामान व 40-50 किमी वारे व गारपीट होण्याची शक्यता. pic.twitter.com/ur9kBfTv1t

— K S Hosalikar (@Hosalikar_KS) April 3, 2025

पुण्यात दुपारपासूनच आकाश ढगांनी भरलं होतं आणि सायंकाळी पावसाने जोर धरला. या पावसाने उकाड्यापासून दिलासा दिला असला तरी आंबा बागायतदारांसाठी तो धोक्याची घंटा ठरला आहे. सध्या आंब्याचा हंगाम जोमात असून, अवकाळी पाऊस आणि वादळामुळे फळगळ किंवा आंब्याला तडे जाण्याची भीती आहे.

3 April, आयएमडी मॉडेल मार्गदर्शनानुसार, राज्यात, पुढील ४,५ दिवसांत दिवसाच्या तापमानात हळूहळू वाढ होण्याची शक्यता आहे.
कृपया आयएमडीकडून दररोजच्या अपडेट्ससाठी लक्ष ठेवा, विशेषतः विदर्भ आणि लगतच्या प्रदेशासाठी.
D3, D4 it could be around 40-42°C pic.twitter.com/OwL6pasS7w

— K S Hosalikar (@Hosalikar_KS) April 3, 2025

के. एस. होसाळीकर यांनी दिलेल्या माहितीनुसार, 3 एप्रिल रोजी कोकण आणि मध्य महाराष्ट्रात तुरळक ठिकाणी विजांच्या कडकडाटासह वादळी वारा (40-50 किमी प्रतितास) आणि हलका ते मध्यम पाऊस पडण्याची शक्यता आहे. मराठवाड्यातही असंच तीव्र हवामान आणि 30-40 किमी प्रतितास वारे अपेक्षित आहेत.

विदर्भात वादळी वाऱ्यासह (40-50 किमी प्रतितास) गारपीट होण्याची शक्यता आहे. पुढील 4-5 दिवसांत राज्यात दिवसाच्या तापमानात हळूहळू वाढ होईल, असा अंदाजही त्यांनी वर्तवला. दरम्यान, हवामान विभागाने पुण्यासाठी पुढील दोन दिवस मेघगर्जनेसह पाऊस आणि वादळी वाऱ्याचा इशारा दिला आहे.

Pune pic.twitter.com/wrHoEK08dw

— K S Hosalikar (@Hosalikar_KS) April 3, 2025