R Ashwin Predicts India Squad 2027 ODI World Cup : दक्षिण आफ्रिका, झिम्बाब्वे आणि नामिबिया यांच्या संयुक्त यजमानपदाखाली होणाऱ्या २०२७ आयसीसी एकदिवसीय विश्वचषक (2027 ODI World Cup) स्पर्धेसाठी भारतीय संघाच्या बांधणीबाबत आत्तापासूनच चर्चा रंगू लागल्या आहेत. भारताचा माजी दिग्गज ऑफस्पिनर रविचंद्रन अश्विन (R Ashwin) याने या मेगा टूर्नामेंटसाठी आपल्या पसंतीचा भारतीय संघ निवडला आहे. अश्विनने या संघात अनुभवी आणि युवा खेळाडूंचा मेळ घालताना काही अत्यंत धक्कादायक निर्णय घेतले आहेत.

रोहित-विराटवर विश्वास; शुबमन गिलकडे कर्णधारपद!

आर अश्विनच्या संघाचे सर्वात मोठे वैशिष्ट्य म्हणजे त्याने अनुभवी दिग्गज रोहित शर्मा आणि विराट कोहली या दोघांनाही संघात कायम ठेवले आहे. दक्षिण आफ्रिकेतील वेगवान अन् स्विंग होणाऱ्या कठीण खेळपट्ट्यांवर या दोघांचा अनुभव अत्यंत मोलाचा ठरेल, असा विश्वास त्याने व्यक्त केला. याशिवाय, अश्विनने युवा फलंदाज शुबमन गिलला वनडे संघाचा कर्णधार म्हणून पाठिंबा दिला आहे.

भुवनेश्वर कुमारचे नाव देऊन सर्वांनाच धक्का!

Wait till the end for an interesting suggestion by R Ashwin 👀 pic.twitter.com/zd8z2ePGYe

— Cricinfo (@cricinfo) July 30, 2026

अश्विनने सर्वात मोठा धक्का दिला तो म्हणजे अनुभवी स्विंग गोलंदाज भुवनेश्वर कुमारच्या (Bhuvaneshwar Kumar) निवडीची वकालत करून. भुवी दीर्घकाळापासून एकदिवसीय संघातून बाहेर आहे, पण आफ्रिकन खेळपट्ट्यांवर स्विंगची गरज भासेल. त्यामुळे निवडकर्त्यांनी भुवीशी चर्चा करून त्याला घरगुती क्रिकेटच्या माध्यमातून २०२७ च्या वर्ल्ड कपसाठी तयार केले पाहिजे, असा सल्ला अश्विनने दिला.

ऋषभ, संजू आणि वैभव सूर्यवंशी बाहेर –

अश्विनने आपल्या मुख्य ताफ्यातून ऋषभ पंत, संजू सॅमसन, अभिषेक शर्मा आणि युवा वैभव सूर्यवंशी यांना थेट बाहेर ठेवले आहे. तर यशस्वी जैस्वाल, ऋतुराज गायकवाड, मोहम्मद शमी आणि अर्शदीप सिंग यांना त्याने ‘संशयित’ (Maybe) यादीत ठेवले आहे.

हेही वाचा – Bumrah Fitness Test : श्रीलंका दौऱ्यापूर्वी भारतीय संघासाठी मोठी बातमी! जसप्रीत बुमराहबद्दल अपडेट आली समोर

अश्विनने निवडलेला १३ मुख्य खेळाडूंचा संघ: रोहित शर्मा, विराट कोहली, शुबमन गिल (कर्णधार), श्रेयस अय्यर, केएल राहुल, इशान किशन, हार्दिक पंड्या, अक्षर पटेल, कुलदीप यादव, जसप्रीत बुमराह, मोहम्मद सिराज, हर्षित राणा आणि भुवनेश्वर कुमार