Maharashtra Rain : महाराष्ट्रात पुन्हा पावसाचा जोर वाढण्याची शक्यता असून, पुढील काही दिवस शेतकऱ्यांसाठी महत्त्वाचे ठरणार आहेत. राज्यातील अनेक भागांत अपेक्षित पाऊस न झाल्याने खरीप हंगामावर त्याचा परिणाम झाला आहे. त्यामुळे शेतकऱ्यांचे लक्ष आता पावसाकडे लागले आहे. अशातच हवामान तज्ज्ञ पंजाबराव डख यांनी राज्यातील पावसाबाबत नवा अंदाज व्यक्त केला आहे. (Maharashtra Rain)

काय म्हणाले पंजाबराव डख?

पंजाबराव डख यांच्या अंदाजानुसार, ७, ८ आणि ९ सप्टेंबरदरम्यान राज्यातील काही भागांत पावसाचा जोर वाढण्याची शक्यता आहे. या काळात विदर्भ आणि मराठवाड्यात हलक्या ते मध्यम स्वरूपाच्या पावसाच्या सरी पडू शकतात. काही ठिकाणी कडक ऊनही पाहायला मिळेल, मात्र संपूर्ण महाराष्ट्रातून पाऊस पूर्णपणे गायब होणार नाही, असे डख यांनी म्हटले आहे. (Maharashtra Rain)

तसेच परतीच्या पावसाकडूनही मोठ्या अपेक्षा व्यक्त करण्यात आल्या आहेत. ज्या भागांमध्ये आतापर्यंत समाधानकारक पाऊस झालेला नाही, त्या भागांना परतीचा पाऊस दिलासा देऊ शकतो, असा अंदाज आहे. (Maharashtra Rain)

शेतकऱ्यांनी १३ सप्टेंबरपर्यंत शेतीतील प्रलंबित कामे पूर्ण करून घ्यावीत, त्यानंतर राज्यात पावसाचा जोर वाढण्याची शक्यता असल्याचे पंजाबराव डख यांनी सांगितले. गणेशोत्सवाच्या काळातही राज्यात पावसाची स्थिती कायम राहण्याचा अंदाज त्यांनी व्यक्त केला आहे. (Maharashtra Rain)

देशातील अनेक राज्यांना मुसळधार पावसाचा इशारा

दरम्यान, भारतीय हवामान विभागानेही देशातील विविध भागांत पुढील २४ तासांत पावसाची शक्यता वर्तवली आहे. उत्तर प्रदेश, बिहार, दिल्ली, राजस्थान, हरियाणा, उत्तराखंड, झारखंड, जम्मू-काश्मीर, पश्चिम बंगाल, ओडिशा, आंध्र प्रदेश, तेलंगणा, गुजरात, आसाम आणि महाराष्ट्रासह अनेक राज्यांमध्ये पावसाचा अंदाज देण्यात आला आहे. त्यामुळे महाराष्ट्रातील शेतकऱ्यांसाठी आगामी काही दिवस महत्त्वाचे ठरणार असून, हवामानातील बदलांकडे लक्ष ठेवणे आवश्यक आहे. (Maharashtra Rain)

Maharashtra Rain Alert : विदर्भात पावसाचा धुमाकूळ.! ‘या’ पाच जिल्ह्यांत ऑरेंज अलर्ट

Maharashtra Rain: राज्यात पावसाचा जोर वाढणार; नाशिकमध्ये गोदावरी नदीला पूर