Pune Traffic Update – साहित्यरत्न लोकशाहीर आण्णाभाऊ साठे यांच्या जयंतीनिमित्त शनिवारी (दि. १ ऑगस्ट) सारसबाग चौकातील आण्णाभाऊ साठे यांच्या पुतळ्याला अभिवादन करण्यासाठी अनुयायांची मोठी गर्दी होते. त्यामुळे तेथील रस्ता आणि पीएमपी वाहतुकीत तात्पुरते बदल केले आहेत. जेधे चौक ते सारसबाग रस्ता बंद असताना ५९ बस मार्गांची वाहतूक लक्ष्मी नारायण टॉकीजकडून डाव्या बाजूला वळवण्यात येईल.

या बस पुढे मित्र मंडळ चौक मार्गे धावतील. यामध्ये मार्ग क्र. २, ३, ४, ११, १२, १३, १५, १७, २१, २६, ३०, ४१, ५०, ६०, ७०, ९०, १०० आणि ३०० च्या मालिकेतील महत्त्वाच्या बसचा समावेश आहे. तसेच नटराज बस स्थानकाचा रस्ता बंद झाल्यास, तेथून सुटणाऱ्या बस खंडोबा मंदिर (पर्वती पायथा) येथून सोडण्यात येतील.

तसेच रस्ता वाहतुकीमध्येही बदल झाले असून याची माहिती वाहतूक शाखेचे पोलीस उपायुक्त डाॅ. संदीप भाजीभाकरे यांनी दिली. सारसबाग परिसरातील काही तात्पुरते रस्ते बंद असल्याने नागरिकांनी पर्यायी मार्गांचा वापर करावा. बंद रस्ते याप्रमाणे. जेधे चौक ते सारसबाग ( उड्डाणपुलासह) व्हेगा सेंटर ते सारसबाग ग्रेड सेपरेटर, सावरकर चौक ते पूरम चौक, दांडेकर पूल-सिंहगड रस्ता ते सारसबाग,

पूरम चौक ते जेधे चौक एकेरी वाहतूक शिथिल, दांडेकर पूल ते सावरकर चौक गरज भासल्यास दुहेरी वाहतूक, नीलायम चित्रपटगृहाकडून सारसबागेकडे येणारी वाहतूक पर्वती गावातून, शंकरशेठ रस्ता ते सारसबाग दरम्यानची वाहतूक पर्यायी मार्गाने. मित्रमंडळ चौकातील पाटील प्लाझा परिसरात वाहने लावण्याची सोय केलेली आहे.