पुणे : महापालिका निवडणुकीसाठी मंगळवारी सायंकाळ पर्यंत एकूण ३०४१ अर्ज दाखल झाले होते. २३ डिसेंबर ते ३० डिसेंबर ही अर्ज भरण्याची मुदत होती. त्यात २९ डिसेंबरपर्यंत सुमारे ७४३ अर्ज दाखल झाले. मंगळवारअखेर २२९८ अर्ज दाखल झाले. पालिकेच्या १५ क्षेत्रीय कार्यालयांत निवडणूक कार्यालये सुरू केली असून अर्ज भरण्याची दुपारी ३ ची मुदत संपण्यापूर्वी उमेदवारांनी वेळेपूर्वी जात टोकन घेतले होते. त्यानंतर रात्री उशीरापर्यंत सर्वच क्षेत्रीय कार्यालयांमध्ये अर्जांची नोंदणी तसेच माहिती संकलनाचे काम सुरू होते. आतापर्यंत मंगळवारी २२९८ अर्ज आले असून त्यात बदल होण्याची शक्यता आहे. येरवडा कळस धानोरी कार्यालयात १८२, नगर रोड–वडगाव शेरी कार्यालयात १४१, कोथरूड–बावधन कार्यालयात १७४, औंध–बाणेर कार्यालयात ११०, शिवाजीनगर–घोले रोड कार्यालयात १४८, कै. बा. स. ढोले पाटील रोड कार्यालयात १२२, हडपसर–मुंढवा कार्यालयात २१३, वानवडी–रामटेकडी कार्यालयात ८०, बिबवेवाडी कार्यालयात १६२, भवानी पेठ कार्यालयात २२४, कसबा–विश्रामबाग वाडा कार्यालयात १६०, वारजे–कर्वेनगर कार्यालयात १७१, सिंहगड रोड कार्यालयात १३४, धनकवडी–सहकारनगर कार्यालयात १८३ आणि कोंढवा–येवलेवाडी कार्यालयात १०४ अर्ज दाखल झाले.
