Accident News : महाबळेश्वरला पिकनिकसाठी निघालेल्या सहा मित्रांच्या आनंदावर काळाने घाला घातला. पुणे-सातारा महामार्गावरील शिरवळ परिसरात भरधाव टाटा नेक्सॉन कारचा भीषण अपघात झाला. चालकाचा ताबा सुटल्याने कार डिव्हायडर ओलांडून विरुद्ध दिशेने येणाऱ्या आयशर ट्रकला धडकली. (Accident News)

धडक इतकी भीषण होती की कारचा अक्षरशः चक्काचूर झाला. या दुर्घटनेत मावळ आणि तळेगाव परिसरातील चार तरुणांचा जागीच मृत्यू झाला, तर दोघे गंभीर जखमी झाले आहेत. (Accident News)

या अपघातात वेदांत अर्जुन वारिंगे (१९), सोनलिंग धीरेंद्र ठाकूर (१९), आदित्य बाळासाहेब गरुड (१९) आणि निखिल बाळू राऊत (२०) यांचा मृत्यू झाला. तर दीक्षित दयानंद पुजारी (२०) आणि मयूर हनुमंत शिंदे (२०) हे दोघे गंभीर जखमी झाले असून त्यांच्यावर रुग्णालयात उपचार सुरू आहेत. (Accident News)

पिकनिकसाठी निघाले अन् काळाचा घाला

मिळालेल्या माहितीनुसार, सहाही मित्र टाटा नेक्सॉन कारमधून पुण्याहून साताऱ्याच्या दिशेने महाबळेश्वरकडे निघाले होते. शिरवळ परिसरात कार आली असता चालकाचा वाहनावरील ताबा सुटला. कार आधी डिव्हायडरला धडकली आणि त्यानंतर पलटी होत विरुद्ध दिशेच्या लेनमध्ये गेली. याचवेळी समोरून येणाऱ्या आयशर ट्रकला कारने जोरदार धडक दिली. (Accident News)

या भीषण धडकेत चार तरुणांचा जागीच मृत्यू झाला. अपघाताचे दृश्य अत्यंत विदारक होते. अवघ्या १९ ते २० वर्षांच्या तरुणांचा असा दुर्दैवी अंत झाल्याने मावळ आणि तळेगाव दाभाडे परिसरावर शोककळा पसरली आहे. (Accident News)

दोघांची मृत्यूशी झुंज

या दुर्घटनेत दीक्षित दयानंद पुजारी आणि मयूर हनुमंत शिंदे हे गंभीर जखमी झाले आहेत. दोघांनाही तातडीने रुग्णालयात दाखल करण्यात आले असून त्यांच्यावर उपचार सुरू आहेत. (Accident News)

महामार्ग पोलिसांकडून मदतकार्य

अपघाताची माहिती मिळताच सारोळा येथील महामार्ग पोलीस मदत केंद्राचे अधिकारी आणि कर्मचारी तातडीने घटनास्थळी दाखल झाले. पोलिसांनी मदतकार्य करत अपघातग्रस्त वाहने क्रेनच्या सहाय्याने रस्त्याच्या बाजूला हटवली. त्यानंतर महामार्गावरील वाहतूक सुरळीत करण्यात आली. (Accident News)

दरम्यान, या अपघाताची पुढील कायदेशीर प्रक्रिया शिरवळ पोलीस ठाण्याकडून सुरू आहे. अपघात नेमका कोणत्या कारणामुळे झाला, याचा अधिक तपास पोलीस करत आहेत. (Accident News)

Accident News : मिसिंग लिंकवर भीषण अपघात! पुण्यातील उद्योजक तरुणाचा जागीच मृत्यू; नेमकी कशी घडली घटना?

Accident News: शिरपूर-चोपडा मार्गावर भीषण अपघात; भरधाव बसच्या धडकेत जिवलग मित्रांचा जागीच मृत्यू