पुणे- सिंहगडावर ई-बस सेवा पुन्हा सुरू होईपर्यंत गडावर खासगी वाहनांना प्रवेश दिला जाणार आहे. त्यानुसार मंगळवारपासून सिंहगडावर खासगी वाहनांना प्रवेश देण्यास सुरूवात करण्यात आली.

सिंहगडावरील अरुंद रस्त्यामुळे बसच्या अपघातांचा होणारा संभाव्य धोका लक्षात घेऊन आणि नुकताच अपघात झालेला कठड्याची दुरुस्ती होईपर्यंत गडावर ई-बसला तात्पुरती स्थगिती देण्याचे आदेश उपमुख्यमंत्री अजित पवार यांनी वन आणि पीएमपी प्रशासनाला सोमवारी दिले. त्यानुसार मंगळवारपासून (दि.17 मे) ई-बस सेवा तात्पुरती बंद करण्यात आली. ई-बस सेवा पुन्हा सुरू होईपर्यंत खासगी वाहनांना गडावर प्रवेश दिला जाणार आहे. त्याची अंमलबजावणी मंगळवारपासून सुरू करण्यात आली, असे पुणे वन विभागाचे उपवनसंरक्षक राहुल पाटील यांनी सांगितले.