Pune News : राज्य सरकारी कर्मचारी मध्यवर्ती संघटना पुणे जिल्हाध्यक्षपदी (Pune News) मारुती रामभाऊ शिंदे तर सरचिटणीसपदी पै. महेश घुले यांची बिनविरोध निवड झाली. कार्यकारिणीची त्रैवार्षिक निवडणूक नुकतीच मध्यवर्ती इमारत येथे बिनविरोध पार पडली.

निवडणूक निर्णय अधिकारी रामचंद्र दशरथ अभंगराव यांनी नवनिर्वाचित कार्यकारिणीची घोषणा (Pune News) केली. कार्याध्यक्षपदी दीपक चव्हाण, कोषाध्यक्षपदी विजय लांघे, कार्यालयीन सचिवपदी सोमनाथ जाधव, सहकोषाध्यक्षपदी अविनाश तळेकर, तर संघटकपदी भाग्यशाली लोखंडे व एस. व्ही. सानप यांची निवड झाली. प्रसिद्धी प्रमुखपदी प्रशांत आवळे यांच्यासह अन्य पदाधिकाऱ्यांची निवड करण्यात आली.

यावेळी वार्षिक सर्वसाधारण सभेत कर्मचाऱ्यांच्या विविध प्रलंबित मागण्यांसाठी (Pune News) शासन व प्रशासनाकडे पाठपुरावा करत येणार असून, त्यामध्ये प्रामुख्याने आरएनपीएस पेन्शन योजना लागू करणे, सर्व रिक्त पदे सरळसेवेने भरणे, निवृत्तीचे वय ६० वर्षे करणे, कंत्राटी कर्मचाऱ्यांना कायम करणे, कॅशलेस आरोग्य योजना आणि केंद्राप्रमाणे महागाई भत्ता देण्याच्या मागण्यांचा समावेश आहे. नवनिर्वाचित पदाधिकाऱ्यांना संघटनेचे प्रदेश सरचिटणीस विश्वास काटकर यांनी शुभेच्छा दिल्या.