Pune News : पुणेकरांसाठी आनंददायी बातमी! धरणांच्या पाणीसाठयात वाढ सुरू
Pune News: दिवसाआड पाणीकपातीची वेळ आलेल्या पुणेकरांना दिलासा

Pune News : गेल्या दोन आठवड्यांपासून दिवसाआड पाणीकपातीची वेळ आलेल्या पुणेकरांसाठी मान्सूनने सकारात्मक बातमी आणली आहे. शहराला पाणी पुरवठा करणाऱ्या खडकवासला धरणसाखळीत पावसाने जोर धरण्यास सुरूवात केली असून पाणीसाठयात पाच ते सहा दिवसांचा पाणीसाठा वाढला आहे.
तसेच पुढील काही दिवस हा पाऊस कायम राहणार असल्याचा हवामान विभागाचा अंदाज असल्याने पाणीसाठयात लक्षणीय वाढ होण्याची शक्यता आहे. त्यातच, घाटमाथ्यावर सुरू असलेल्या पावसाने मोसे खोऱ्यातून पानशेत आणि वरसगाव पाणलोट क्षेत्रात मोठया प्रमाणात पाणी येत असल्याने ही वाढ होत आहे. (Pune News)
पाटबंधारे विभागाकडून देण्यात आलेल्या माहितीनुसार, खडकवासला धरणसाखळीत गुरूवारी सायंकाळी ३.६६ टीएमसी पाणी होते. हा साठा शुक्रवारी सकाळी ३. ७८ टीएमसी झाला आहे. (Pune News)
शहरासाठी महापालिका दररोज ०.०३ टीएमसी पाणी घेत असून गेल्या काही दिवसांपासून सुरू असलेल्या पावसाने हा पाणीसाठा गेल्या काही दिवसांपासून कायम आहे. त्यामुळे, या सध्या सुरू असलेल्या पावसाने पाणीसाठयात लक्षणीय वाढ होण्याची अपेक्षा आहे. (Pune News)
हेही वाचा:






