Pune News: मुळा आणि मुठा नदीची पूररेषा निश्चित करून नव्याने फेररचना केलेल्या आणि पहिली हायटेक सिटी म्हणून ओळखल्या जाणाऱ्या म्हाळुंगे-माण नगर रचना योजनेच्या (टीपी स्किम) फेरबदलास नगर विकास विभागाने मान्यता दिली आहे. पुणे महानगर प्रदेश विकास प्राधिकरणाने (पीएमआरडीए) हाती घेतलेली ही टीपी स्कीम मागील आठ वर्षांपासून फक्त कागदावरच होती. नगर विकास विभागाच्या मान्यतेमुळे ही योजना अखेर मार्गी लागणार आहे. पुणे महानगर क्षेत्राचा विकास करण्यासाठी राज्य सरकारकडून पीएमआरडीएची स्थापन करण्यात आली. त्यानंतर पीएमआरडीएने पहिल्याच टप्प्यात सुमारे २५० हेक्टर वरील म्हाळुंगे-माण टीपी स्कीमचे काम हाती घेतले होते. या हाय टेक सिटीचे तत्कालीन मुख्यमंत्री देवेंद्र फडणवीस यांच्या हस्ते उद्घाटन करण्यात आले होते. या स्कीमला सर्व प्रकाराच्या मान्यता मिळाल्या होत्या. तसेच हरकती-सूचनांवर सुनावणी घेऊन भूखंडाचे वाटपही पीएमआरडीएकडून निश्चित करण्यात आले होते. वाटप करण्यात आलेल्या भूखंडाचे प्रॉपर्टी कार्ड तयार करून रहिवाशांना वाटप करण्याचे नियोजन पीएमआरडीएकडून करण्यात आले होते. Project Freedom: अमेरिकेकडून जगाला पुन्हा धक्का ; होर्मुझमधील जहाजांविषयी घेतला ‘हा’ मोठा निर्णय परंतु, या टीपी स्कीम करताना मुळा आणि मुठा नदीची पूररेषा दर्शविण्यात आली नव्हती. दरम्यान जलसंपदा विभागाकडून ती निश्चित करून पीएमआरडीएकडे सादर करण्यात आली. परिणामी या दोन्ही नदी काठच्या पूररेषेत बदल झाल्याने काही भूखंडांमध्ये फेरबदल करावा लागल्याने स्कीमची फेररचना करावी लागली. नगर रचना योजनेच्या क्षेत्रात आणि वाटप करावयाच्या भूखंडामध्येही बदल करावे लागले. नव्याने फेररचना करण्यात आलेली प्रारूप नगर रचना योजना राज्य सरकारकडे पुन्हा मान्यतेसाठी पाठविण्यात आली होती. त्यास राज्य सरकारकडून मान्यता देण्यात आली. नगर रचना योजनेतील बदलावर पुन्हा सुनावणी घेण्यासाठी लवादाची नेमणूक करण्यात आली. लवादाकडून काम पूर्ण झाल्यानंतर ती अंतिम मान्यतेसाठी जानेवारी २०२४ मध्ये राज्य सरकारकडे पाठविण्यात आली होती. त्यास आता राज्य सरकारकडून मान्यता मिळाल्याने आता या योजनेच्या कामास सुरूवात होणार आहे. हेही वाचा: Talathi Bharti 2026 : आता तलाठी भरती MPSC द्वारे; राज्य सरकारचा मोठा निर्णय, ‘इतक्या’ जागा भरल्या जाणार
