Pune Metro : पुणे शहरातील मेट्रोचे जाळ आणखी विस्तारण्यावर राज्य सरकारकडून भर देण्यात आला आहे. पुणे मेट्रोसाठी नव्या मार्किंकेचा प्रस्तावित करण्यात आला आहे, तर काही मार्गिकेची काम सुरू आहे. पुणे शहरातील अत्यंत महत्वपूर्ण अशा स्वारगेट ते कात्रज मेट्रो मार्ग प्रस्तावित आहे. गेल्या काही महिन्यांपूर्वी देशाचे पंतप्रधान नरेंद्र मोदी यांच्या हस्ते या मेट्रो मार्गाचे भूमिपूजन करण्यात आले होते. यानंतर आता या मेट्रोबाबत मोठा निर्णय घेण्यात आला असून आता या मार्गावर आणखी दोन नवीन स्थानकांना मंजुरी देण्यात आली आहे. त्यानुसार या मार्गावर बिबवेवाडी आणि बालाजीनगर ही दोन नवी स्थानके होणार आहेत. यामुळे आता दोन नवी स्थानके होणार असल्याने पुणेकरांना मोठा दिलास मिळणार असून त्यांचा प्रवास आणखी सुलभ होणार आहे. तसेच स्वारगेट ते कात्रज असा मेट्रो मार्ग सुरू झाल्यानंतर पुणेकरांचा वाहतूक कोंडीचा त्रास कमी होणार असल्याचं सांगण्यात आलं आहे. पुणे मेट्रोच्या टप्पा-1 अंतर्गत बालाजीनगर–बिबवेवाडी व स्वारगेट–कात्रज या दोन नवीन स्थानकांना मंजुरी देण्यात आली असल्याचा निर्णय मुख्यमंत्री देवेंद्र फडणवीस यांनी घेतल्याचं जाहीर केलं आहे. त्यानुसार आता पाच किलोमीटरच्या मेट्रो मार्गावर आता आणखी दोन नवीन स्थानके उभी राहणार आहेत. बालाजीनगर आणि बिबवेवाडी मेट्रो स्थानक व्हावी अशी मागणी करण्यात आली होती. यास आता मुख्यमंत्र्यांनी मंजुरी दिली आहे. कोणत्या स्थानकांना मंजुरी? स्वारगेट ते कात्रज या मेट्रो मार्गावर या अगोदर तीन स्थानकांना मंजुरी देण्यात आली होती. त्यामध्ये मार्केटयार्ड, पद्मावती आणि कात्रज या स्थानकांचा समावेश होता. यामध्ये आता आणखी दोन स्थानकांचा समावेश झाला आहे. फायदा कसा होणार? स्वारगेट कात्रज या मेट्रो मार्गावर बिबवेवाडी आणि बालाजीनगर ही मेट्रो स्थानके झाल्यानंतर येथील नागरिकांना त्याचा मोठा फायदा होणार आहे. सर्वात महत्वाचं म्हणजे वाहतूक कोंडीतून दिलासा मिळणार. मेट्रोची सुविधा मिळल्याने पैशांची आणि वेळीची बचत होणार. स्थानिकांच्या रोजगार चालना मिळणार. धनकवडी, बिबवेवाडी आणि बालाजीनगर या भागातील नागरिकांना स्वारगेट आणि कात्रज दरम्यान मेट्रोची कनेक्टिव्हिटी असल्याने प्रवास सुखकर आणि सुलभ होणार. हेही वाचा : मोठी घडामोड..! राज ठाकरेंची भेट अन् फडणवीसांचा उद्धव ठाकरेंना फोन; पडद्यामागे हालचालींना वेग
