Heramb Karmarkar : ओमानच्या किनाऱ्याजवळून प्रवास करत असताना हल्ला झालेल्या एमव्ही जीएफएस गॅलक्सी या जहाजावरील बेपत्ता भारतीय इंजिनिअर हेरंब करमरकर यांचा मृत्यू झाला असल्याचे निष्पन्न झाले आहे. हेरंब करमरकर हे पुण्याचे नागरिक आहेत. (Heramb Karmarkar)

जेव्हा मालवाहू जहाजावर हल्ला झाला तेव्हा ते जहाजावरचे तिसरे इंजिनिअर होते. हल्ल्यानंतर ते बेपत्ता झाले होते. पण त्यांचा मृत्यू झाल्याचे निष्पन्न झाले असल्याचे दुबईमधील भारतीय वाणिज्य दूतावासाने सांगितले. (Heramb Karmarkar)

हेरंब करमरकर यांच्या कुटुंबीयांना सर्वतोपरी मदत पुरवण्यासाठी भारतीय अधिकारी संयुक्त अरब अमिरातीचे अधिकारी आणि जहाज कंपनी यांच्याशी निकटचा समन्वय साधत असल्याचे भारताच्या वाणिज्य दूतावासाने म्हटले आहे. (Heramb Karmarkar)

दिनांक १२ जुलै रोजी एमव्ही जीएफएस गॅलेक्सी या व्यापारी जहाजावर झालेल्या हल्ल्यात एका भारतीय नागरिकाचा मृत्यू झाला असून या निधनाबद्दल आम्ही तीव्र शोक व्यक्त करतो, असे दूतावासाने सोशल मीडियावरील पोस्टमध्ये म्हटले आहे. (Heramb Karmarkar)

रविवारी ओमानच्या किनाऱ्याजवळ सायप्रसचा ध्वज असलेल्या एमव्ही जीएफएस गॅलेक्सी या जहाजावर झालेल्या हल्ल्यानंतर जहाजावरील ११ भारतीय कर्मचाऱ्यांपैकी दहा भारतीय कर्मचाऱ्यांची सुटका करण्यात आली होती आणि एक बेपत्ता झाला होता. (Heramb Karmarkar)

हेरंब करमरकर बेपत्ता झाल्याचे समजल्यानंतर सुमारे ६० तासांनी ओमानच्या तटरक्षक दलाने त्यांचा मृतदेह ताब्यात घेतल्याची माहिती मंगळवारी संध्याकाळी जहाज कंपनीकडून त्यांच्या कुटुंबीयांना देण्यात आली. (Heramb Karmarkar)

आम्ही हेरंब याच्या पार्थिवाची वाट पाहत आहोत. हेरंब यांचा मृतदेह सध्या ओमान नौदलाकडे आहे. हेरंब गेल्या पाच महिन्यांपासून जहाजावर होते आणि लवकरच त्यांची सेवा समाप्त होणार होती, असे त्यांचे सासरे विवेक टंडन यांनी बुधवारी सांगितले. (Heramb Karmarkar)

करमकर यांच्या पश्चात त्यांची पत्नी, आई आणि धाकटी बहीण असा परिवार आहे. त्यांनी ब्रिटनमधील सिटी ऑफ ग्लासगो कॉलेजमधून मरीन इंजिनिअरिंग पूर्ण केले होते आणि ते व्यापारी नौदलात सामील झाले होते. (Heramb Karmarkar)

भारताने जहाजावरील हल्ल्याचा निषेध केला होता आणि प्रदेशातील तणाव तात्काळ कमी करण्याचे आवाहन केले आहे. इराण आणि अमेरिका यांच्यातील नव्या संघर्षाच्या पार्श्वभूमीवर हा हल्ला झाला असून, या प्रदेशात व्यापारी जहाजे आणि नागरी पायाभूत सुविधांना लक्ष्य करणे थांबलेच पाहिजे, असे भारताने पुन्हा एकदा सांगितले आहे. (Heramb Karmarkar)

धोका टळला आहे….

इराणी हल्ल्यात प्राण गमावलेले भारतीय हेरंब करमरकर यांना वाटले होते की त्यांनी धोका टाळला आहे. मात्र, होर्मुझची सामुद्रधुनी पार करत असताना त्यांच्या जहाजावर हा हल्ला झाला. (Heramb Karmarkar)

कुटुंबीयांच्या सांगण्यानुसार, मृत्यूच्या अवघ्या काही क्षण आधीच पुण्यातील या मरीन इंजिनिअरने आपल्या कुटुंबाला मेसेज पाठवून जहाज आखाती क्षेत्र (गल्फ) सुरक्षितपणे पार करून गेल्याचे सांगितले होते. (Heramb Karmarkar)

करमरकर यांचे सासरे विवेक टंडन यांनी आयएएनएस या वृत्तसंस्थेशी बोलताना सांगितले की, ते अवघ्या ३० वर्षांचे तरुण होते, कोणी वृद्ध व्यक्ती नव्हते. भारत सरकारला आमची एकच विनंती आहे की त्यांचा मृतदेह आम्हाला सुखरूप अवस्थेत सुपूर्द करण्यात यावा आणि मायदेशी आणला जावा. (Heramb Karmarkar)