पुणे – अवैधरीत्या गुटख्याची वाहतूक करणाऱ्यास जेरबंद करुन 81 लाखांचा मुद्देमाल गुन्हे शाखेच्या युनिट एकच्या पथकाने जप्त केला आहे. याप्रकरणी हडपसर पोलीस ठाण्यात गुन्हा दाखल करण्यात आला आहे. 21 जानेवारी रोजी गुन्हे शाखा, युनिट-6, पुणे शहर कडील अधिकारी व अंमलदार गस्त करित होते. यावेळी त्यांना लोणी काळभोर हद्दीमधून सोलापूर रोडने एक आयशर ट्रक मोठया प्रमाणामध्ये अवैध गुटखा घेवून जाणार असल्याबाबत खबर मिळाली होती.

वरिष्ठ पोलीस निरीक्षक गणेश माने यांनी कारवाई करण्याचे आदेश दिल्याने पथकाने सापळा रचून थेऊर फाटा चौक येथे आयशर ट्रक ताब्यात घेतला. ट्रक चालक प्रविण दुर्योधन जाधव (26,रा.मु.पो. गुरसाळे, ता.खटाव,जि.सातारा) याच्याकडे तपास करता त्याने ट्रक मध्ये प्रतिबंधीत अन्नपदार्थ गुटखा असल्याचे सांगितले. त्यानूसार अन्न सुरक्षा आधिकारी कोकणे यांच्या समक्ष आयशर ट्रकची तपासणी केली असता, त्यामध्ये गुटख्याच्या एकूण 58 गोण्या मिळून आल्या.

त्यामध्ये 56, 48,820 रु किंमतीचा किलो विमल गुटखा व वाहतूकीकरिता वापरलेला 24, 50,000 रु किंमतीचा आयशर ट्रक असा एकूण 80,98,820 रु किंमतीचा मुद्देमाल जप्त करण्यात आला आहे. हा माल बाजारामध्ये दुप्पट किंमतीने विकला जात असल्याचे निदर्शसनास आले असून बाजारभावाने जप्त गुटखा मालाची किंमत करोडोमध्ये जात आहे. अन्न सुरक्षा आधिकारी यांनी दिलेल्या फिर्यादीवरून वर नमूद ट्रक चालकावर लोणी काळभोर पोलीस स्टेशन येथे गुन्हा दाखल करण्यात आला आहे.

सदरची कामगिरी पोलीस आयुक्त अमिताभ गुप्ता, सह आयुक्त डॉ.रविंद्र शिसवे, अपर पोलीस आयुक्त रामनाथ पोकळे, उप आयुक्त श्रीनिवास घाडगे, सहा.पोलीस आयुक्त, लक्ष्मण बोराटे यांचे मार्गदर्शनाखाली पोलीस निरीक्षक, गणेश माने, सहा.पोलीस निरीक्षक,नरेंद्र पाटील, पो.उप.नि.सुधीर टेंगले, पोलीस अंमलदार मच्छिंद्र वाळके, विठ्ठल खेडकर, रमेश मेमाणे, कानिफनाथ कारखेले, नितीन शिंदे, नितीन मुंढे, बाळासाहेब सकटे, प्रतिक लाहिगुडे, ऋषीकेश ताकवणे, ऋषीकेश व्यवहारे, सचिन पवार, ऋषिकेश टिळेकर, शेखर काटे, नितीन धाडगे, सुहास तांबेकर व ज्योती काळे यांनी केली आहे.