वाघोली : लोणीकंद येथील थेऊर फाटा चौकामध्ये ट्रक बंद पडल्याने पुणे-नगर रोडवर मोठ्या प्रमाणात वाहतूक कोंडी झाली असताना ट्रकचालकाने पोलिसांना कळविले नाही तसेच ट्रक दुरुस्तीसाठी कोणतीही उपाययोजना केली नसल्याने ट्रक चालकावर लोणीकंद पोलीस ठाण्यात गुन्हा दाखल करण्यात आला आहे.

सदरची घटना सोमवारी (दि.१४) सकाळी साडे सहा वाजता घडली होती. वाहतूक पोलिसांनी क्रेन बोलवून ट्रक बाजूला केल्यानंतर ट्रक चालक मंगेश नाटकर विरोधात फिर्याद दिली आहे.