Pune Crime : कात्रज परिसरात जुन्या वादाच्या कारणावरून १७ वर्षीय तरुणाची निर्घृण हत्या झाल्याप्रकरणी भारती विद्यापीठ पोलिसांनी अवघ्या २४ तासांत चार आरोपींना अटक करत गुन्ह्याचा छडा लावला. (Pune Crime)

या कारवाईनंतर पोलिसांनी भरपावसात आरोपींना गुन्ह्याच्या ठिकाणी नेऊन घटनाक्रमाची पुनर्रचना (क्राईम सीन रिक्रिएशन) केली. आरोपींना गुन्ह्याच्या ठिकाणी नेऊन पुरावे पडताळण्याची ही कारवाई परिसरात चर्चेचा विषय ठरली. (Pune Crime)

पोलिस तपासात समोर आलेल्या माहितीनुसार, मृत तरुण आणि आरोपी यांच्यात काही दिवसांपासून जुना वाद सुरू होता. त्याचाच राग मनात धरून आरोपींनी कट रचत तरुणावर धारदार शस्त्राने हल्ला केला. गंभीर जखमी झालेल्या तरुणाचा उपचारापूर्वीच मृत्यू झाला. (Pune Crime)

घटनेची माहिती मिळताच भारती विद्यापीठ पोलिसांनी तातडीने तपासाची सूत्रे हाती घेतली. सीसीटीव्ही फुटेज, तांत्रिक तपास आणि गोपनीय माहितीच्या आधारे चार संशयितांना ताब्यात घेण्यात आले. चौकशीत त्यांनी गुन्ह्याची कबुली दिल्यानंतर त्यांना अटक करण्यात आली. (Pune Crime)

त्यानंतर तपासाचा भाग म्हणून आरोपींना भरपावसात पोलिस वाहनातून घटनास्थळी नेण्यात आले. तेथे त्यांच्याकडून संपूर्ण घटनाक्रमाची पुनर्रचना करून पुरावे आणि आरोपींच्या जबाबांची पडताळणी करण्यात आली. (Pune Crime)

या प्रकरणाचा जलदगतीने उलगडा करत आरोपींना अटक करणाऱ्या भारती विद्यापीठ पोलिसांच्या कारवाईचे कौतुक होत असून, गंभीर गुन्हे करणाऱ्यांवर कठोर कारवाई केली जाईल, असा स्पष्ट संदेश या कारवाईतून देण्यात आला आहे. (Pune Crime)

Pune Crime News : सराईत अल्पवयीन तरूणावर जीवघेणा हल्ला; १० ते १२ जणांकडून वार

Pune crime : बंडगार्डन पोलीस ठाण्यातून आरोपी पसार