पुणेः काल १० मार्च रोजी मुंबईत कसबा विधानसभेचे माजी आमदार रविंद्र धंगेकरांनी काँग्रेसला सोडचिठ्ठी देत धनुष्यबाण आपल्या हाती घेतला. त्यांनी शिवेसनेत प्रवेश करताना काँग्रेसबाबत कोणतीही नाराजी नसल्याचे माध्यमांना दिलेल्या प्रतिक्रियेत म्हटले होते. त्यांनी काँग्रेस पक्षाला अखेरचा रामराम केल्यानंतर शिवसेनेत पक्ष प्रवेश केला. आता पुणे काँग्रेसमधून धंगकरांबाबतच्या नाराजीच्या प्रतिक्रिया येऊ लागल्या आहेत. काँग्रेसचे माजी नगरसेवक अरविंद शिंदे यांनी धंगेकरांच्या पक्षप्रवेशावर आपली प्रतिक्रिया दिली आहे. धंगेकरांनी जे दुष्कर्म केलेत ते वाचवण्यासाठी त्यांना सत्तेची गरज आहे. म्हणून ते महायुतीत गेल्याची जळमळीत टीका शिंदे यांनी धंगेकर यांच्या पक्षप्रवेशावर केली आहे. धंगेकर यांना पक्षाने आमदार होण्याची संधी दिली. त्यावेळेस पक्षाला किंवा या शहराला तुम्ही पक्षाच्या आमदाराकीच्या माध्यमातून एकही योजना कधीही आणली नाही. म्हणून त्यांच्यावर जर बोलायला गेलो. तर अनेक गोष्टी बोलता येईल. पण खालच्या थराला उठून तुमचं राजकारण त्याचं जे आहे, ते व्यावसायिक राजकारण असल्याचे टीकास्त्र शिंदे यांनी धंगेकर यांच्यावर डागले. ज्या दिवशी ते आमदार झाले त्याच्यानंतर किंवा २०१७ ला जरी नगरसेवक होऊन काँग्रेस बरोबर राहिले. पक्षाचा झेंडा त्यांनी कधीही खांद्यावर घेतला नाही. हातात घेतला नाही. आमदार असताना जे काही त्यांनी आंदोलनं त्यांनी केली ती व्यक्तिगत केली, असा गंभीर आरोप शिंदे यांनी यावेळी बोलताना केला. आमच्यासाठी ते अगोदरच गेल्यासारखे राहुल गांधी यांच्यावर ज्या ज्या वेळेला सत्ताधाऱ्यांनी टीका केली, त्या वेळेला कधी ते आले नाहीत. त्यांच्या मतदारसंघामध्ये ज्या ज्या वेळेस त्यांनी बॅनर लावले. त्याच्यावर कधी काँग्रेस पक्षाचे चिन्ह नव्हते, कधी काँग्रेस पक्षाच्या नेत्यांचे फोटो नव्हते. म्हणून आमच्यासाठी ते अगोदरच गेल्यासारखेच होते, असे देखील शिंदे यावेळी बोलताना म्हणाले.
