पुणे :  महाराष्ट्र लोकसेवा आयोगातर्फे (MPSC) घेण्यात आलेल्या ‘औषध निरीक्षक’ (Drug Inspector) परीक्षेचा निकाल नुकताच जाहीर झाला असून, यामध्ये ‘भालचंद्र कॉलेज ऑफ फार्मसी’ची माजी विद्यार्थिनी आणि विद्यमान प्राध्यापिका सौ. माधुरी गाळगुंडे यांनी संपूर्ण राज्यात ६ वा क्रमांक आणि महिला OBC प्रवर्गातून प्रथम (१ ला) क्रमांक मिळवून उत्तुंग यश संपादन केले आहे. त्यांच्या या यशामुळे कॉलेजच्या व परिसराच्या शिरपेचात मानाचा तुरा रोवला गेला आहे.

कु. माधुरी गालगुंडे यांनी भालचंद्र कॉलेज ऑफ फार्मसीमधूनच आपले शिक्षण पूर्ण केले असून, सध्या त्या याच महाविद्यालयात प्राध्यापिका म्हणून सेवेत कार्यरत आहेत. दैनंदिन अध्यापनाचे काम आणि शैक्षणिक जबाबदाऱ्या सांभाळत त्यांनी अत्यंत नियोजनबद्ध अभ्यास आणि कठोर परिश्रमाच्या जोरावर हे उल्लेखनीय यश मिळवले आहे.

​त्यांच्या या दैदीप्यमान यशाबद्दल संस्थेचे अध्यक्ष माननीय कैलास भाऊ बराटे यांनी कौतुक करताना सांगितले की, “माधुरी मॅडमचा विद्यार्थिनी ते प्राध्यापिका आणि आता थेट ‘औषध निरीक्षक’ असा झालेला प्रवास महाविद्यालयातील इतर सर्व विद्यार्थ्यांसाठी अत्यंत प्रेरणादायी आणि मार्गदर्शक आहे.”

​या सुवर्ण यशाबद्दल संस्थेचे अध्यक्ष मा. कैलास भाऊ बराटे, फार्मसी कॉलेजचे प्राचार्य डॉ. मनोज जायभाये सर, डिप्लोमा फार्मसीचे प्राचार्य प्रा. स्वामी सर, परीक्षा विभाग प्रमुख कुमारी. दिपाली खंडागळे मॅडम यांच्यासह महाविद्यालयातील सर्व शिक्षक आणि शिक्षकेतर कर्मचारी यांच्या वतीने प्रा. माधुरी गाळगुंडे यांचा विशेष सत्कार करण्यात आला तसेच पुढील भावी प्रशासकीय वाटचालीस उदंड शुभेच्छा देण्यात आल्या.

हेही वाचा: 

Raj Thackeray: “…तर खिशात ५० ग्रॅम पावडर टाकून गुन्हा दाखल करू”; राज ठाकरेंनी ‘त्या’ व्हिडिओ संताप व्यक्त करताच, पोलिसावर कारवाई…