Prince William Plays Backyard Cricket Buckingham Palace Earthshot Prize : लंडनमधील जगप्रसिद्ध बकिंगहॅम पॅलेस परिसरातील द मॉल रस्त्यावर प्रिन्स विल्यम चक्क क्रिकेट खेळण्यासाठी उतरल्याने वाहतुकीची प्रचंड कोंडी पाहायला मिळाली. पुढील महिन्यात मुंबईत रंगणाऱ्या ‘अर्थशॉट प्राईज’ पुरस्कार सोहळ्याच्या उल्हासनिमित्त या अनोख्या प्रदर्शनी सामन्याचे आयोजन करण्यात आले होते. बॅकयार्ड क्रिकेट बॉईज यांनी आयोजित केलेल्या या सामन्यात सौरव गांगुली, अजिंक्य रहाणे, जो रूट, ब्रायन लारा आणि जेम्स अँडरसन यांसारख्या जागतिक क्रिकेटमधील दिग्गजांनी हजेरी लावली होती. भारत आणि ब्रिटन यांच्यातील मैत्री अधिक घट्ट करण्याच्या उद्देशाने हा सामना रंगला.

गांगुलीच्या चेंडूवर षटकार; रूट-लाराकडून फलंदाजीचे कौतुक

सेंट जेम्स पॅलेसच्या प्रवेशद्वारातून मैदानात आलेल्या प्रिन्स विल्यम यांनी सर्व खेळाडूंची भेट घेतली आणि थेट बॅट हाती घेतली. त्यांनी भारताचा माजी कर्णधार सौरव गांगुलीच्या गोलंदाजीवर शानदार षटकार खेचत सर्वांना थक्क केले. यानंतर त्यांनी काही षटके गोलंदाजीही केली. बकिंगहॅम पॅलेसच्या पार्श्वभूमीवर खेळण्याचा अनुभव अप्रतिम होता असे सांगत, प्रिन्स विल्यम एक उत्तम फलंदाज वाटतात अशी प्रतिक्रिया जो रूटने दिली; तर ब्रायन लाराने त्यांच्या फलंदाजीचे कौतुक करत त्यांना सहाव्या किंवा सातव्या क्रमांकावर खेळवण्याचा सल्ला दिला.

हसतखेळत क्रिकेट; भारतात जोरदार स्वागताची तयारी

Cricket on the Mall 🏏👑

Prince William joined sports stars for a special match in front of Buckingham Palace today, launching the countdown to @EarthshotPrize in Mumbai 🇮🇳

Celebrating Britain and India’s shared love of cricket and new ideas helping protect our planet. https://t.co/hRc97BxcGV

— Cameron Walker (@CameronDLWalker) October 13, 2026

प्रिन्स यांच्या साधेपणाबद्दल आणि नम्र स्वभावाबद्दल सौरव गांगुलीने विशेष कौतुक केले. ते अत्यंत दिलदार व्यक्तिमत्त्वाचे असून त्यांच्यासोबत खेळताना खूप आनंद झाला, तसेच पुढील महिन्यात मुंबई दौऱ्यावर येत असताना भारतात त्यांचे भव्य स्वागत होईल असा विश्वास गांगुलीने व्यक्त केला. रस्त्यावर रंगलेल्या या सामन्याने काही काळ वाहतूक विस्कळीत झाली असली तरी लंडनकरांसाठी हा सामना एक अविस्मरणीय पर्वणी ठरला.

हेही वाचा – Suryakumar Dubai House : शाहरुख खानचा शेजारी बनला मिस्टर ३६०! सूर्यकुमार यादवने दुबईत खरेदी केले आलिशान घर; पाहा VIDEO

काय आहे अर्थशॉट प्राईज पुरस्कार?

Prince William batting while Sourav Ganguly bowling, Jimmy Anderson wicketkeeping and Ajinkya Rahane guarding the slips. 🤯🔥 https://t.co/Q24FPsTgoE

— Mufaddal Vohra (@mufaddal_vohra) October 14, 2026

पर्यावरणाचे संवर्धन आणि पृथ्वीचे रक्षण करण्यासाठी नाविन्यपूर्ण उपाय शोधणाऱ्या संशोधकांना प्रोत्साहन देण्यासाठी २०२० मध्ये प्रिन्स विल्यम यांनी ‘अर्थशॉट प्राईज’ची सुरुवात केली. दरवर्षी पाच वेगवेगळ्या श्रेणींमध्ये उत्कृष्ट कार्य करणाऱ्या पाच विजेत्यांना हा पुरस्कार प्रदान केला जातो. यंदाच्या पुरस्कारांसाठी १५ जणांची अंतिम फेरीत निवड झाली असून, याचा मुख्य सोहळा पुढील महिन्यात मुंबईत पार पडणार आहे.