Suryakumar Yadav Buys Luxury House in Dubai Danube Shahrukhz Residences : भारतीय क्रिकेट संघाचा स्टार फलंदाज सूर्यकुमार यादव सध्या मैदानाबाहेरील एका खास कारणामुळे जोरदार चर्चेत आला आहे. आपल्या आक्रमक फलंदाजीने गोलंदाजांची दाणादाण उडवणाऱ्या ‘सूर्या’ने दुबईतील एका अत्यंत महागड्या आणि आलिशान रिअल इस्टेट प्रोजेक्टमध्ये मोठी गुंतवणूक केली आहे. सूर्यकुमारने दुबईत एक लक्झरी घर खरेदी केले असून, या नव्या घरामुळे तो आता बॉलिवूडचा किंग शाहरुख खानचा शेजारी बनला आहे.

कागदपत्रांवर स्वाक्षरी; पत्नी देविशासोबतचा व्हिडीओ शेअर –

सूर्यकुमार यादवने आपल्या इंस्टाग्राम हँडलवर एक विशेष व्हिडीओ पोस्ट करून चाहत्यांना ही गोड बातमी दिली. या व्हिडिओमध्ये तो पत्नी देविशा शेट्टीसोबत मालमत्तेच्या अधिकृत कागदपत्रांवर स्वाक्षरी करताना दिसत आहे. स्वाक्षरी करताना हे दांपत्य अत्यंत आनंदी दिसत होते. सूर्या आणि त्याच्या कुटुंबासाठी हा एक अत्यंत मोठा आणि महत्त्वपूर्ण टप्पा मानला जात आहे.

दुबईतील सुरक्षित वातावरण अन् ‘लॉन्गिव्हिटी लाउंज’ने वेधले लक्ष –

 

View this post on Instagram

 

दुबईत घर घेण्यामागचे कारण सांगताना सूर्या म्हणाला की, २०१४ मध्ये आयपीएलदरम्यान तो पहिल्यांदा दुबईत आला होता आणि त्यानंतर २०२० मध्येही गेला होता. तिथली आधुनिक जीवनशैली, सुरक्षितता आणि लक्झरी त्याला नेहमीच आकर्षित करत आली आहे. दुबई मॅरिटाइम सिटीच्या मध्यभागी असलेल्या ‘शाहरुख्स रेसिडेन्सेस बाय डॅन्यूब’ या वॉटरफ्रंट प्रोजेक्टमध्ये त्याने घर घेतले आहे. येथील ४० हून अधिक सुविधांपैकी ‘लॉन्गिव्हिटी लाउंज’ या संकल्पनेने त्याचे लक्ष वेधून घेतले.

हेही वाचा – Akriti Agarwal : जवळच्या व्यक्तींमुळे नातं तुटलं; पृथ्वी शॉच्या गर्लफ्रेंडचा मोठा खुलासा, पुन्हा एकत्र आल्याची दिली माहिती

डॅन्यूबचा भव्य प्रोजेक्ट; चाहत्यांकडून शुभेच्छांचा वर्षाव –

डॅन्यूब ग्रुपद्वारे दुबईत ‘शाहरुख्स रेसिडेन्स’ नावाचा अतिशय भव्य प्रकल्प उभारला जात आहे. याच प्रकल्पात सूर्याने फ्लॅट घेतल्यामुळे तो थेट बॉलिवूडचा बादशहा शाहरुख खानचा शेजारी झाला आहे. क्रिकेटच्या मैदानानंतर आता रिअल इस्टेटच्या दुनियेत इतकी मोठी गुंतवणूक केल्याबद्दल क्रीडा आणि मनोरंजन विश्वातून या स्टार खेळाडूवर शुभेच्छांचा वर्षाव होत आहे.