Vaibhav Sooryavanshi Benched : बाहेर बसवून कोणी घडत नाही, ही तर निव्वळ हुकूमशाही; वैभव सूर्यवंशीच्या उपेक्षेवर बालपणीच्या कोचचा संताप!
Vaibhav Sooryavanshi Benched : वैभव सूर्यवंशीचे बालपणीचे प्रशिक्षक, मनीष ओझा यांनी वैभव सूर्यवंशीला संधी न मिळण्यावर प्रश्नचिन्ह उपस्थित केले आहे. त्यांच्या मते, टीम इंडियाचे व्यवस्थापन हुकूमशाही पद्धतीने वागत आहे.
Vaibhav Sooryavanshi Bench Controversy Coach Manish Ojha Slams Team Management : वेस्ट इंडिजविरुद्धच्या चालू पाच सामन्यांच्या टी-२० मालिकेत युवा फलंदाज वैभव सूर्यवंशीला सलग तीन सामन्यांमध्ये प्लेइंग इलेव्हनध्ये स्थान मिळालेले नाही. तीनही सामन्यांत मैदानात न उतरता खेळाडूंना फक्त पाणी पुरवताना पाहून वैभवचे बालपणीचे प्रशिक्षक मनीष ओझा अत्यंत भावुक झाले आहेत. ‘स्पोर्ट्स नाऊ’ क्रीडा वाहिनीशी बोलताना ओझा यांनी भारतीय संघ व्यवस्थापनावर जोरदार हल्ला चढवत, हा कारभार म्हणजे निव्वळ हुकूमशाही असल्याचे म्हटले आहे. इतक्या स्फोटक खेळाडूला बाकावर बसवून टीम इंडिया त्याचे नुकसान करत असल्याचा थेट आरोप त्यांनी केला.
तो एक तुफान, त्याच्याशी भिडणारा मोडेल; कोचचा संताप
मनीष ओझा यांनी संतप्त प्रतिक्रिया देताना म्हटले की, “वैभव सूर्यवंशी हा एखाद्या तुफानासारखा आहे आणि त्याच्याशी जो कोणी भिडण्याचा प्रयत्न करेल तो नक्कीच मोडेल. सध्याच्या संघ व्यवस्थापनाला असे वाटते की खेळाडूंना फक्त बाकावर बसवून त्यांना तयार केले जाते. मात्र कोणत्याही माजी दिग्गजाला विचारले तरी ते हेच सांगतील की पुढच्या पिढीला घडवायचे असेल तर त्यांना मैदानावर संधी द्यावी लागते, खेळवूनच परिस्थितीशी जुळवून घेता येते.”
बाकावर बसून कोणी घडत नाही; हा मनमानी कारभार
Vaibhav Sooryavanshi’s childhood coach: 🗣️
According to me, Vaibhav is like a storm. Whoever tries to take him on will eventually break, if not today, then tomorrow. This current Indian team management feels that they make players by keeping them on the bench. There are many other legends of cricket; you talk to them, and everyone will say that if we have to prepare the next generation of players, they must be put into those situations; they must be made to play. Sitting on the bench, no player has ever been made, nor will they be. And especially if such talent is kept on the bench. Then either they have made up their mind that this kid will not be given a chance… keep him out and frustrate him so much. He is sitting outside and serving water. I feel that the management that is here right now is practising a kind of dictatorship where whatever comes to mind, they will do”.
— Saabir Zafar (@Saabir_Saabu01) October 12, 2026
ओझा पुढे म्हणाले की, “नुसते बाहेर बसून राहिल्याने कोणताही खेळाडू तयार झालेला नाही आणि होणारही नाही. आज वैभवसारखा गुणवान मुलगा बाहेर बसून पाणी पुरवत आहे, हे पाहून वाईट वाटते. सध्याचे टीम मॅनेजमेंट आपल्या मर्जीनुसार कारभार करत असून जे मनात येईल तेच निर्णय घेत आहे, ही एक प्रकारची हुकूमशाहीच आहे.”
८ सामन्यांत १८६ चा स्ट्राईक रेट; तरीही संधीची प्रतीक्षा
वैभवच्या आंतरराष्ट्रीय टी-२० कारकिर्दीकडे पाहिले तर त्याने आतापर्यंत खेळलेल्या ८ सामन्यांत ३०.७५ च्या सरासरीने २४६ धावा कुटल्या आहेत. यादरम्यान त्याचा स्ट्राईक रेट १८६ पेक्षा जास्त राहिला असून त्याने दोन अर्धशतके, १८ षटकार आणि २२ चौकार ठोकले आहेत. वेस्ट इंडिजविरुद्ध अजून दोन सामने शिल्लक असून पुढील सामन्यांमध्ये तरी त्याला संधी मिळते का, याकडे सर्वांचे लक्ष लागले आहे.
