Narendra Modi – भारताचे सर्वाधिक काळासाठीचे लोकनियुक्त पंतप्रधान झाल्याबद्दल जागतिक पातळीवरील अनेक देशांच्या नेत्यांनी पंतप्रधान नरेंद्र मोदी यांचे अभिनंदन केले आहे.

२०१४ साली १० जून रोजी पहिल्यांदा पंतप्रधानपदाची शपथ घेतलेल्या नरेंद्र मोदी   यांनी पंडीत नेहरूंना मागे टाकत सलग ४,३९९ दिवस लोकनियुक्त पंतप्रधान बनण्याचा विक्रम प्रस्थापित केला आहे.  (Narendra Modi )

इटलीच्या पंतप्रधान जॉर्जिया मेलोनी, मालदीवचे अध्यक्ष मोहम्मद मुइझू, दक्षिण कोरियाचे अध्यक्ष ली जे-म्युंग, मलेशियाचे पंतप्रधान अन्वर इब्राहिम, भूतानचे पंतप्रधान शेरिंग तोबगे, श्रीलंकेचे अध्यक्ष अरुणा कुमारा दिसानायके आणि ऑस्ट्रेलियाचे माजी पंतप्रधान स्कॉट मॉरिसन यांनी सोशल मीडियावरच्या पोस्टमधून पंतप्रधान मोदींचे अभिनंदन केले आहे.

पंडीत जवाहरलाल नेहरू हे जरी १९४७ साली पहिल्यांदा पंतप्रधान बनले होते, १९४७ पासून १९५२ पर्यंत ते हंगामी सरकारचे पंतप्रधान होते. देशात १९५२ पर्यंत निवडणुका झाल्या नव्हत्या.  ( Narendra Modi )

१९५२ साली झालेल्या पहिल्या निवडणुकीत ते पहिल्यांदा निवडून आले आणि लोकनियुक्त पंतप्रधान बनले. ते २७ मे १९६४ पर्यंत पंतप्रधान म्हणून पदावर होते. त्यांचा लोकनियुक्त पंतप्रधान म्हणून कार्यकाळ ४,३९८ दिवसांचा होता.

माजी पंतप्रधान इंदिरा गांधी या देखील १५ वर्षांपेक्षा जास्त काळ पंतप्रधान राहिल्या होत्या. पण त्यांचा कार्यकाळ सलग नव्हता. जानेवारी १९६६ ते मार्च १९७७ पर्यंत पहिल्यांदा तीन टर्मसाठी त्या पंतप्रधान राहिल्या होत्या.

मात्र १९७७ मध्ये त्यांना सत्ता गमवावी लागली आणि जानेवारी १९८० मध्ये झालेल्या निवडणुकीत त्यांची पंतप्रधान म्हणून फेरनिवड झाली होती. १९८४ मध्ये हत्या होईपर्यंत त्या पंतप्रधान पदावर कायम होत्या.