Prime Minister in Bihar। पंतप्रधान नरेंद्र मोदी यांनी आज बिहार निवडणुकीच्या तोंडावर राष्ट्रीय जनता दल (राजद) वर निशाणा साधला. यावेळी त्यांनी, “जेव्हा कंदील सत्तेत होता तेव्हा बिहारमध्ये मोठ्या प्रमाणात भ्रष्टाचार होता.” असा आरोप केला. या काळात त्यांनी मुख्यमंत्री महिला रोजगार योजनेअंतर्गत बिहारमधील ७५ लाख महिलांना एक महत्त्वाची भेट दिली. या महिलांच्या खात्यात प्रत्येकी १०,००० रुपये हस्तांतरित करण्यात आले.

पंतप्रधान मोदी यांनी या विशेष कार्यक्रमात बोलताना, “नवरात्रीच्या या शुभ दिवसांमध्ये, मला बिहारच्या महिलांच्या आनंदात सहभागी होण्याची संधी मिळाली. नवरात्रीच्या या शुभ सणावरील तुमचे आशीर्वाद आपल्या सर्वांसाठी एक मोठी शक्ती आहेत. मी माझे मनापासून आभार मानतो.”असे म्हटले.

बहिणी आणि मुलींच्या स्वप्नांना पंख  Prime Minister in Bihar। 

पुढे पंतप्रधान म्हणाले, “‘मुख्यमंत्री महिला रोजगार योजना‘ आज सुरू होत आहे. आतापर्यंत ७५ लाख महिला या योजनेत सामील झाल्या आहेत. आता, या सर्व ७५ लाख महिलांच्या बँक खात्यात एकाच वेळी प्रत्येकी १०,००० रुपये हस्तांतरित करण्यात आले आहेत.” ही प्रक्रिया सुरू असताना, मी बिहारच्या बहिणी आणि मुलींसाठी नितीश कुमार यांच्या सरकारने उचललेल्या मोठ्या आणि महत्त्वाच्या पावलाबद्दल विचार करत होतो. जेव्हा एखादी बहीण किंवा मुलगी नोकरी करते किंवा स्वयंरोजगार करते तेव्हा त्यांच्या स्वप्नांना नवीन पंख लागतात आणि समाजात त्यांचा आदर आणखी वाढतो.

पंतप्रधान मोदींनी आरजेडीवर निशाणा साधला Prime Minister in Bihar। 

आरजेडीवर निशाणा साधत पंतप्रधान मोदी यांनी, “आरजेडीच्या राजवटीत घरात कोणीही सुरक्षित नव्हते. महिलांना सर्वात जास्त त्रास सहन करावा लागला. महिलांनीही आरजेडी नेत्यांचे अत्याचार पाहिले आहेत, परंतु नितीश यांच्या राजवटीत मुली निर्भयपणे फिरतात. आम्ही महिलांच्या संरक्षणासाठी उज्ज्वला योजना सुरू केली आहे.”असे म्हटले आहे.

तसेच ते म्हणाले, “जेव्हा सरकार महिलांना केंद्रस्थानी ठेवून धोरणे आखते तेव्हा त्याचा समाजातील इतर घटकांनाही फायदा होतो. उदाहरणार्थ, उज्ज्वला योजनेमुळे झालेल्या गंभीर बदलाचे साक्षीदार संपूर्ण जग आहे. या मोहिमेअंतर्गत गावे आणि शहरांमध्ये ४,५०,००० हून अधिक आरोग्य शिबिरे आयोजित केली जात आहेत. अशक्तपणा, रक्तदाब, मधुमेह आणि कर्करोग यासारख्या गंभीर आजारांची तपासणी केली जात आहे.”