Praveen Gaikwad : संभाजी ब्रिगेडचे प्रदेशाध्यक्ष प्रवीण गायकवाड यांनी आज पुण्यात शरद पवार यांची भेट घेतली. या भेटीनंतर त्यांनी माध्यमांशी संवाद साधला. अक्कलकोट येथील एका कार्यक्रमात प्रवीण गायकवाड यांच्यावर शाईफेक झाल्याची घटना घडली होती. या घटनेचे तीव्र पडसाद ठिकठिकाणी उमटल्याचे पाहायला मिळाले. शरद पवार यांनी गायकवाड यांना काळजी घेण्याचे आणि पोलीस संरक्षण घेण्याचा सल्ला दिला होता. हा सल्ला गायकवाडांनी ऐकला आहे.

माझ्यावर हल्ला झाला यामुळे पोलीस संरक्षण घ्यावं म्हणणं साहेबांच होतं. मला पोलिस संरक्षण मिळालं असल्याचे त्यांनी सांगितलं आहे. यवतमध्ये घडलेल्या घटनेवरही त्यांनी भाष्य केलं. जो संषर्घ निर्माण झाला त्याची माहिती साहेबांना दिली. त्यामुळे सर्वांनी जबाबदारीने सोशल मीडिया वापरले पाहिजे, असं आवाहन गायकवाड यांनी केलं.

गेल्या सहा महिन्यांपासून सामाजिक आणि राजकीय मुद्यावर संभाजी ब्रिगेड एकत्र येण्याची प्रक्रिया सुरू झाली आहे. हल्ल्याच्या घटनेनंतर हा विषय गतीमान झाला. एकाच विचाराने काम करतो. यापुढे आम्ही एकत्र येणार आहे. मराठा सेवा संघाचा एक भाग म्हणजे संभाजी ब्रिगेड आहे.

संभाजी ब्रिगेडचा प्रदेशाध्यक्ष मी राहीलच असं…

मराठा सेवाच्या संघाच्या संस्थापक अध्यक्ष पुरुषोत्तम खेडेकर यांनी निर्णय घेतला आहे की आपण सर्वजण एकत्र येवू, अशी माहिती गायकवाड यांनी दिली. खरंतर ताकद विभागल्यामुळे ना राजकीय यश मिळतंय ना सामाजिक यश म्हणून एकत्र येणार असल्याचे ते म्हणाले. संभाजी ब्रिगेडचा प्रदेशाध्यक्ष मी राहीलच असे नाही, असे देखील प्रवीण गायकवाड यांनी स्पष्ट केलं.